परचुरीत संयुक्त जयंती महोत्सवात गुणवंतांचा गौरव

-rat२५p२.jpg-
२५N६६१३०
संगमेश्वर ः परचुरी येथे संयुक्त जयंती महोत्सवात गौरविण्यात आलेले गुणवंत.
-----
परचुरीत गुणवंतांचा गौरव
सकाळ वृत्तसेवा
रत्नागिरी, ता. २६ ः परचुरी (ता. संगमेश्वर) येथील बौद्धजन मंडळ मुंबई व स्थानिक तसेच सलग्न पंचशील महिला मंडळ यांच्या संयुक्त विद्यमाने तथागत भगवान गौतम बुद्ध व भारतरत्न परमपूज्य डॉ. बाबासाहेब आंबेडकर जयंती साजरी करण्यात आली.
संयुक्त जयंती महोत्सवात मंडळातर्फे आरोग्य शिबिर, क्रिकेट स्पर्धा, महिला सन्मान, जागतिक मातृदिन, सांघिक खेळ, विद्यार्थी गुणगौरव सोहळा आदींचे आयोजन करण्यात आले होते. भीमनगर परचुरी, धम्म चेतना बुद्धविहार या ठिकाणी प्रथमच अशा प्रकारचे आरोग्य शिबिर आयोजित केले होते. यावेळी डॉ. युवराज शितप, डॉ. विजय मोरये आणि डॉ. शुभम चव्हाण उपस्थित होते. भीमनगर परचुरी येथील सर्व सभासद, कार्यकारिणी सदस्य, मुंबई मंडळाचे नियोजित अध्यक्ष जगदीश पवार यांचा सत्कार करण्यात आला. क्रिकेट स्पर्धेतील अंतिम सामन्यात प्रतापगड संघाने प्रथम पारितोषिक पटकावले.