स्वामी समर्थ मंदिरात गर्दी

-rat२५p२७.jpg-
25N66181
रत्नागिरी : स्वामी समर्थ मंदिराच्या वर्धापनदिनिमित्त श्री स्वामी समर्थांची केलेली पूजा पहिल्या छायाचित्रात तर दुसऱ्या छायाचित्रात दर्शनासाठी झालेली गर्दी.
-------
वर्धापनदिनी स्वामी समर्थ मंदिरात गर्दी
सकाळ वृत्तसेवा
रत्नागिरी, ता. २६ : बाजारपेठेतील श्री विठ्ठल मंदिर संस्थेच्या आवारातील श्री स्वामी समर्थ मंदिराचा सहावा वर्धापनदिन विविध धार्मिक, सांस्कृतिक कार्यक्रमांनी साजरा करण्यात आला. या निमित्त मंदिरात दर्शनासाठी भाविकांची रिघ लागली होती.
रत्नागिरीत स्वामीभक्तांची संख्या लक्षणीय आहे. मात्र नेहमीच अक्कलकोट येथे श्री स्वामी समर्थांच्या दर्शनासाठी स्वामी मंदिरात जाणे शक्य होत नाही. याकरिता विठ्ठल मंदिराच्या आवारात स्वामींचे मंदिर उभारण्याचे ठरवण्यात आले. त्यानुसार सहा वर्षांपूर्वी स्वामी समर्थांचे सुरेख मंदिर उभे राहिले. येथे वर्षभरात विविध कार्यक्रम साजरे होत असतात. वर्धापनदिनी सकाळी काकडा आरती, त्यानंतर अभिषेक व समृद्ध पूजा करण्यात आली. सामुदायिक आरती, नंतर दुपारी महाआरती आणि महानैवैद्य, महाप्रसाद झाला. सायंकाळी स्वामिनी भजन मंडळाने भजनसेवा केली. सायंकाळी कायम आरती व सुश्राव्य भजन झाले. स्वामीभक्तांनी दर्शन आणि महाप्रसादाचा लाभ घेतला.
स्वामी मंदिरात दररोज दर्शनासाठी भाविकांची ये-जा सुरू असते. शहरातील बाजारपेठेत वसलेल्या ऐतिहासिक श्री विठ्ठल मंदिरात सर्व संतांची मंदिरे आहेत. यामुळे सर्व संतांच्या जयंती, पुण्यतिथी असे कार्यक्रम नेहमीच साजरे होत असतात. याशिवाय या मंदिराला ऐतिहासिक वारसा लाभला आहे. पंढरपूरच्या श्री विठ्ठल मंदिरात जे नित्योपचार सुरू असतात, तेच सर्व नित्योपचार येथे होतात. त्यामुळे दर्शनासाठी भाविक येथे नेहमी येताना पाहायला मिळतात, अशी माहिती मंदिर संस्थेतर्फे देण्यात आली.