महामार्ग अधिकाऱ्यांमुळे स्थानिक जमीन मालक बेरोजगार

फोटो ः kan261.jpg
66360
कणकवली ः येथील पत्रकार परिषदेत बोलताना अतुल रावराणे, बाजूला प्रथमेश सावंत.
----------
महामार्ग अधिकाऱ्यांमुळे स्थानिक जमीन मालक बेरोजगार
अतुल रावराणे यांचा आरोपः टपरी व्यावसायिकांना अधिकाऱ्यांचे अभय
कणकवली, ता. २६ः महामार्ग चौपदरीकरणासाठी स्थानिक जमीन मालकांनी तातडीने जागा दिल्‍या. महामार्ग विभागाने संपादन केलेल्‍या या जागेत आता अवैध टपरी व्यावसायिक व्यवसाय करत आहेत. या व्यावसायिकांना महामार्ग विभागाने अधिकारी अभय देत आहेत. त्‍यामुळे ज्‍यांनी हायवेसाठी जागा दिल्‍या त्या स्थानिक भूमिपूत्रांना बेरोजगार होण्याची वेळ आली आहे, अशी टीका ठाकरे शिवसेनेचे नेते तथा भैरीभवानी प्रतिष्ठानचे अध्यक्ष अतुल रावराणे यांनी यांनी आज पत्रकार परिषदेत केला.
कणकवलीत श्री. रावराणे यांनी पत्रकार परिषद घेतली. सोबत तालुकाप्रमुख प्रथमेश सावंत, सिद्धेश राणे उपस्थित होते. रावराणे म्हणाले की, महामार्ग चौपदरीकरणासाठी स्थानिकांनी आपल्‍या जागा महामार्ग विभागाला दिल्‍या. महामार्ग विभागाने चार पदरी रस्ता बांधला. त्‍यानंतर उर्वरीत जागेत आता अवैध टपरी व्यावसायिकांचा कब्‍जा झाला आहे. या जागा काही लोक परप्रांतीयांना भाडे तत्‍वावर देत आहोत. तर या सर्व कारभाराला महामार्ग विभागाच्या अभियंत्‍यांनी अभय दिले आहे. महामार्ग विभागाच्या आशीर्वादानेच महामार्गालगत अवैध टपऱ्या सुरू झाल्‍या आहेत.
रावराणे म्‍हणाले, झाराप ते खारेपाटण पर्यंत महामार्गाच्या जागेत गेल्‍या चार वर्षात शेकडो अवैध टपऱ्या सुरू झाल्‍या आहेत. यात ज्‍यांनी जागा दिली त्‍यांना बेरोजगार व्हावे लागले आहे. त्‍यामुळे आता पालकमंत्री नितेश राणे यांच्यासह खासदार नारायण राणे यांनी याकडे लक्ष देण्याची गरज आहे. तसेच या टपरी व्यावसायिकांबाबत पालकमंत्री नितेश राणे, खासदार नारायण राणे यांनी ठोस भूमिका स्पष्‍ट करायला हवी.