सावंतवाडीतील दैवज्ञ मंदिरशेजारी पाण्याच्या साम्राज्यामुळे गैरसोय

swt265.jpg
N66366
सावंतवाडीः दैवज्ञ मंदिरशेजारी असणाऱ्या सार्वजनिक शौचालय शेजारी साचलेले पाणी.

सावंतवाडीतील दैवज्ञ मंदिरशेजारी
पाण्याच्या साम्राज्यामुळे गैरसोय
सकाळ वृत्तसेवा
सावंतवाडी, ता. २६ः शहरातील दैवज्ञ मंदिरशेजारी असणाऱ्या सार्वजनिक शौचालय शेजारी पाण्याचे साम्राज्य निर्माण झाले आहे. यामुळे येथील नागरिकांची गैरसोय झाली आहे. शालेय विद्यार्थी, महिलांसह ज्येष्ठांना या मार्गावरूनच पाण्यातून रस्ता शोधत प्रवास करावा लागत आहे. पावसाचे पाणी साठून येथे डासांची पैदास देखील होत आहे. त्यामुळे रोगराईला आमंत्रण मिळत आहे. आधीच साथरोगाची लाट असताना त्यात अधिक भर पडत असून नगरपरिषद प्रशासन व आरोग्य विभागाने याकडे दुर्लक्ष केले आहे. याकडे लक्ष देत तात्काळ तोडगा काढावा, अशी मागणी येथील रहिवाशांनी केली आहे.