मळेवाड-सावळवाडी रस्त्याची संरक्षक भिंत कोसळल्याने भिती

swt268.jpg
66374
मळेवाडः शिरोडा रस्त्याच्या लगत असलेली संरक्षक भिंत कोसळून नुकसान झाले आहे.

मळेवाड-सावळवाडी रस्त्याची
संरक्षक भिंत कोसळल्याने भिती
सकाळ वृत्तसेवा
बांदा, ता. २६ः मळेवाड-सावळवाडी येथील रस्त्याच्या बाजूला असलेली संरक्षक भिंत कोसळल्याने याठिकाणी अपघाताची भीती निर्माण झाली आहे. तसेच ठिकठिकाणी बाजूपट्टी देखील पावसात वाहून गेल्याने हा रस्ता अपघातांना निमंत्रण देणारा ठरत आहे.
सध्या सुरू असलेल्या पावसाने अक्षरशः धुमाकूळ घातला आहे. त्यामुळे याचा फटका या रस्त्याला देखील बसला आहे. मळेवाड ते शिरोडा रस्त्याने प्रवास करताना धोका निर्माण झाला आहे. सध्या पावसामुळे या रस्त्यावर चिखल युक्त माती येऊन अपघात होण्याची दाट शक्यता आहे. तसेच रस्त्याची बाजूपट्टी या पावसामुळे वाहून गेली आहे. मुसळधार पावसामुळे या रस्त्याच्या कडेला असलेल्या या संरक्षक भिंती आता कोसळत आहेत. तसेच बाजूपट्टी खचत आहे. रस्त्यावर माती आल्याने वाहनधारकांना वाहन चालवताना कसरत करावी लागत आहे. त्यामुळे लवकरात लवकर याबाबत योग्य ती उपाययोजना संबंधित विभागाने करून संभाव्य होणारे धोके टाळावेत व याबात योग्य ती उपाययोजना करावी, अशी मागणी वाहनचालक, पादचारी, ग्रामस्थ यांच्याकडून होत आहे.