मळगाव इंग्लिश स्कूल दुरुस्तीसाठी माजी विद्यार्थ्यांकडून मदतीचा हात

swt2610.jpg
66380
मळगावः येथे शाळेच्या मदतीसाठीचा धनादेश सुपूर्त करताना १९९२-९३ च्या दहावी बॅचचे विद्यार्थी.

मळगाव इंग्लिश स्कूल दुरुस्तीसाठी
माजी विद्यार्थ्यांकडून मदतीचा हात
सकाळ वृत्तसेवा
सावंतवाडी, ता. २६ः मळगाव इंग्लिश स्कूलच्या १९९२-९३ च्या दहावी बॅचतर्फे शाळेच्या छप्पर दुरुस्तीसाठी मदतीचा हात देण्यात आला. या बॅचने जमा केलेल्या १ लाख २८ हजार ८५२ रुपयांचा धनादेश माजी विद्यार्थी परिवाराकडे प्रदान करण्यात आला.
ज्या शाळेत आपण पाचवी ते दहावीपर्यंत शिक्षण घेतले, ज्या शाळेने आपणाला घडवले, जीवनाचा पाढा ज्या शाळेने शिकवला, त्या शाळेप्रती आपण काहीतरी देणे लागतो, या एकमेव उद्देशाने शाळेच्या छप्पर दुरुस्तीसाठी माजी विद्यार्थी परिवाराने केलेल्या आवाहनाला साथ देत १९९२-९३ बॅचच्यावतीने शाळेसाठी ही मदत केली. या बॅचच्या माजी विद्यार्थ्यांनी जमा केलेला रुपये १ लाख २८ हजार ८५२ रक्कमेचा धनादेश माजी विद्यार्थी परिवाराकडे सुपूर्द करण्यात आला.
यावेळी १९९२-९३ चे विद्यार्थी गजानन राऊळ, दयानंद परब, पांडुरंग उर्फ बाप्पा नाटेकर, राजन तुळसकर, अरुण भाईडकर, गणेश गाड, शरद जाधव, नंदकिशोर दळवी, शकुंतला राऊळ, सतीश राऊळ, पांडुरंग बुगडे, प्रिया नार्वेकर, संतोष गावकर, विजय गावकर आदी माजी विद्यार्थ्यांसह माजी विद्यार्थी परिवाराचे शेखर पाडगावकर, हरिश नार्वेकर, मुख्याध्यापक मारुती फाले, पर्यवेक्षक सुनील कदम, शाळा व्यवस्थापान समिती अध्यक्ष मनोहर राऊळ आदी उपस्थित होते. मदत केल्याबद्दल माजी विद्यार्थी परिवारातर्फे व शाळेच्यावतीने या बॅचचे आभार व्यक्त करण्यात आले. बॅचने केलेल्या या दातृत्वाचे मळगाव तसेच परिसरातून कौतुक होत आहे. बाकीच्या बॅचने या बॅचचा आदर्श घेत शाळेसाठी मदत करावी, असे आवाहन माजी विद्यार्थी परिवारातर्फे केले आहे.