अकरावी ऑनलाईन प्रवेश प्रक्रियेला सुरूवात

अकरावी ऑनलाईन
प्रवेश प्रक्रियेला सुरूवात
सकाळ वृत्तसेवा
कणकवली, ता. २६ः दहावीच्या निकालानंतर आता कनिष्ठ महाविद्यालयातील अकरावी प्रवेश प्रक्रियेला सुरूवात झाली आहे. शिक्षण संचालनालय माध्यमिक उच्च माध्यमिक पुणे यांच्या सूचने प्रमाणे अकवी प्रवेश पहिल्या फेरीसाठी विद्यार्थी नोंदणी आणि पसंतीक्रम भरण्याची सुविधा आजपासून ३ जून पर्यंत सुरू राहील. कला, विज्ञान आणि वाणिज्य शाखेसह व्यावसाय अभ्यासक्रमासाठी ही प्रवेश प्रक्रिया ऑनलाईन झाली आहे.
यासाठी निकष असे ऑनलाईन प्रवेश प्रक्रिया पूर्ण करण्यासाठी सर्व विद्यार्थ्यांकडे ई-मेल आयडी असणे गरजेचे आहे. दिव्यांग विद्यार्थी प्रमाणपत्र लागू असल्यास. मूळ प्रमाणपत्र सादर करावे. जात प्रमाणपत्र तयार असल्यास मूळ प्रत सादर करावी. विद्यार्थ्यांचे जात प्रमाणपत्र नसल्यास वडिलांचे मूळ प्रमाणपत्र सादर करावे.व विदयार्थ्यांचे मूळ प्रमाणपत्र एक महिन्यात कॉलेज मध्ये सादर करावे. प्रकल्पग्रस्त, भूकंपग्रस्त दाखले असल्यास मूळ प्रत सादर करावी. विद्यार्थ्यांचे आजोबा स्वातंत्र्य सैनिक असल्यास त्याचे प्रमाणपत्र सादर करावे. विद्यार्थ्यांनी ऑनलाईन प्रवेश प्रक्रियेसाठी येताना स्वतःचा किंवा पालकांचा मोबाईल आणावा. प्रवेश प्रक्रिया सकाळी ११ ते सायंकाळी ६ वाजेपर्यंत चालणार आहे.