मांडवी एक्सप्रेस सहा तास उशिराने

मांडवी एक्सप्रेस
सहा तास उशिराने
सकाळ वृत्तसेवा
कणकवली, ता. २६ः कोकणासह मुंबईत कोसळणाऱ्या मुसळधार पावसाचा फटका कोकण रेल्वेला बसला आहे. मुंबईहून मडगावकडे जाणारी मांडवी एक्सप्रेस आज तब्बल सहा तास उशिराने धावत होती. मुंबईत पहाटेपासून सुरू झालेल्या पावसामुळे रेल्वे गाडीच्या वेळापत्रकावर परिणाम झाला आहे.
कोकणात मुसळधार पाऊस कोसळत आहे. याचा प्रभाव आता मुंबई शहरावरही झाला आहे. मुंबईत आज सकाळपासून मुसळधार पावसाला सुरुवात झाली. या पावसामुळे कोकण रेल्वे मार्गावर धावणाऱ्या गाड्या उशिराने धावत होत्या. मुंबईहुन सुटणाऱ्या गाड्यांच्या वेळा बदलल्या होत्या. मुंबईहून मडगावकडे धावणारी मांडवी एक्सप्रेस तब्बल सहा तास दुसऱ्याने धावत होती. तर उन्हाळी हंगामातील एलटीटी मडगाव एक्सप्रेस दोन तास उशिरांने धावत होती. दुपारनंतर पावसाचा जोर कमी झाला. त्यामुळे हळूहळू रेल्वे वेळापत्रक पूर्व पदावर आले होते.