सिंधुदुर्गातील नऊ रस्त्यांसाठी २८.७३ कोटींचा निधी मंजूर

सिंधुदुर्गातील नऊ रस्त्यांसाठी
२८.७३ कोटींचा निधी मंजूर

पालकमंत्री ः मंत्री गोरेंसोबत बैठक

सकाळ वृत्तसेवा
कणकवली, ता.२७ ः पंतप्रधान ग्रामसडक योजनेंतर्गत सिंधुदुर्गातील प्रस्तावित ९ रस्त्यांच्या कामासाठी राज्‍य सरकारने २८ कोटी ७३ लाख रूपयांचा निधीला मंजुरी दिली आहे. पालकमंत्री नीतेश राणे, ग्रामविकासमंत्री जयकुमार गोरे यांच्या मुंबई कार्यालयातील बैठकीत हा निर्णय घेण्यात आल्‍याची माहिती श्री.राणे यांच्या संपर्क कार्यालयातून देण्यात आली.
निधी मंजूर करण्यात आलेल्‍या रस्त्यांची कामे अशी ः कणकवली तालुक्‍यातील तरंदळे कुंदेवाडी ते सावडाव खलांत्रीवाडी, मालवण तालुक्‍यात गुरामवाडी मोगरणे रस्ता, देवगड तालुक्‍यात धालवली ते फणसगाव रस्ता आणि पडवणे ते पाल्‍येवाडी रस्ता. कुडाळ तालुक्‍यात निवजे ओझरवाडी रस्ता, सावंतवाडी तालुक्‍यातील नेतर्डे डोंगरपाल रस्ता आणि आजगाव तिरोडा रस्ता, वैभववाडी तालुक्‍यात लोरे गडमठ रस्ता आणि कुसुर डिगशीवाडी रस्ता या नऊ रस्त्यांच्या कामांचा समावेश आहे.