नाटळ माध्यमिक विद्यालयात १९८७-८८ बॅचतर्फे ‘गुरुवंदना’

66509

नाटळ माध्यमिक विद्यालयात
१९८७-८८ बॅचतर्फे ‘गुरुवंदना’

कणकवली, ता. २७ ः नाटळ माध्यमिक विद्यालयाच्या (ता.कणकवली) दहावीच्या १९८७-८८ बॅचच्या माजी विद्यार्थ्यांकडून ‘गुरूवंदना’ कार्यक्रम साजरा करण्यात आला. यात प्रशालेतील तत्‍कालीन शिक्षक आणि शिक्षकेतर कर्मचाऱ्यांचा सन्मान केला. हॉटेल सावलीच्या सभागृहात आयोजित कार्यक्रमास वीस शिक्षक आणि सहा शिक्षकेतर कर्मचारी उपस्थित होते.
पुणे, मुंबई, नाशिक, सांगली, सातारा अशा विविध ठिकाणांहून शिक्षक आणि माजी विद्यार्थी कार्यक्रमासाठी आले होते. या कार्यक्रमाला दिगंबर गवाणकर, अजित दळवी, चंद्रकांत तांबे, सुनील घाडीगावकर, विनायक सावंत, विद्याधर सावंत, दिलीप रेवडेकर, संदीप सावंत, सुनील ठाकूर, संजय मुरकर, संतोष पाटकर, गिरीश सावंत, नागेश बोडेकर, आत्माराम वर्दम, दत्तात्रय सुतार, अनिल सावंत, भारती गुरव, नीलम सावंत, सुनिता सावंत, प्रभा डोंगरे, राजनंदा सावंत, माया सावंत आदी माजी विद्यार्थी उपस्थित होते.
कार्यक्रमाच्या अध्यक्षस्थानी दिलीप चव्हाण होते. त्‍यांनी विद्यार्थ्यांच्या या उपक्रमाचे कौतुक केले. यानंतर श्री. वळंजू, श्री.मुंडले सर, श्री.कुलकर्णी श्री.दळवी सर, श्री.देसाई, श्रीमती देसाई, श्री.जामसंडेकर, श्री.शिंदे, संध्या तांबे , श्री.वर्देकर मॅडम, श्री.काणेकर आदी शिक्षकांनी मनोगत मांडताना प्रेमळ आठवणीही सांगितल्या. संजय मुरकर यांनी प्रास्ताविक केले. सुनील ठाकूर यांनी सूत्रसंचालन केले. दिगंबर गवाणकर यांनी आभार मानले.