ग्रामस्थ हैराण

खंडित विज पुरवठ्याने
ग्रामस्थ हैराण
साखरपा : गेले दोन रात्री साखरपा पंचक्रोशीत होत असलेला अनियमित विद्युत पुरवठ्यामुळे ग्रामस्थ हैराण झाले आहेत. साखरपा पंचक्रोशीतील मेढे, दाभोळे, कनकाडी आदी गावांमधून गेल्या दोन रात्री सातत्याने वीज जाण्याचा प्रकार घडत आहे. रविवारी रात्री काहीवेळा विद्युतपुरवठा खंडित झाला. सोमवारी रात्री तर तब्बल सहावेळा विद्युतपुरवठा खंडित झाला. एकदा हा पुरवठा खंडित झाल्यावर ठीक दहा ते पंधरा मिनिटांनी तो पूर्ववत होत असल्याचा अनुभव ग्रामस्थांना येत आहे. या सगळ्याबाबत ग्रामस्थांनी काही प्रश्न उपस्थित केले आहे. विद्युतपुरवठा नेमका रात्री दहा ते सकाळी सात याच वेळेत खंडित कसा होतो? प्रत्येकवेळी नेमका दहा ते पंधरा मिनिटांसाठीच खंडित कसा होतो? दिवसभरात कोणताही दोष कसा निर्माण होत नाही? असे प्रश्न ग्रामस्थ विचारत आहेत.