रत्नागिरी जिल्हा बुद्धिबळ संघाची निवड

rat२८p१२.jpg-
P२५N६६७४२
रत्नागिरी : रत्नागिरी जिल्हा निवड बुद्धिबळ स्पर्धेतील विजेत्यांसह मान्यवर पाहुणे रूपाली प्रभुदेसाई व वेदिका मुळ्ये.
----
रत्नागिरी जिल्हा बुद्धिबळ संघाची निवड
सकाळ वृत्तसेवा
रत्नागिरी, ता. २८ : (कै.) अनिल कानविंदे स्मृती रत्नागिरी जिल्हा निवड बुद्धिबळ स्पर्धा २०२५ नुकतीच यशस्वीरित्या पार पडली. विविध गटांतील खेळाडूंनी आपली चमकदार कामगिरी सादर करत रोख रक्कम व चषक मिळवले.
बक्षीस समारंभाला प्रमुख पाहुणे म्हणून फिडे मानांकनप्राप्त खेळाडूंचे पालक प्रतिनिधी व उद्योजिका रूपाली प्रभुदेसाई आणि वेदिका मुळ्ये उपस्थित होत्या. राज्य निवड स्पर्धेतून राष्ट्रीय स्पर्धेत निवड होणाऱ्या रत्नागिरी जिल्ह्याच्या खेळाडूस मुळ्ये यांनी विशेष पारितोषिक जाहीर केले. खेळाडूंनी जास्तीत जास्त स्पर्धा खेळाव्यात, स्पर्धा हेच आपल्या खेळाचा कस तपासण्याचे उत्तम माध्यम आहे, असे प्रभुदेसाई यांनी सांगितले. या स्पर्धेद्वारे जिल्ह्यातील बुद्धिबळ खेळाडूंना एक व्यासपीठ मिळाले असून, पुढील राज्यस्तरीय स्पर्धेसाठी निवड झाली आहे. या स्पर्धांतून निवड झालेले खेळाडू रत्नागिरी जिल्ह्याचे प्रतिनिधित्व राज्य निवड स्पर्धेत करणार आहेत. राज्य निवड स्पर्धेसाठी या खेळाडूंना जिल्हा बुद्धिबळ संघटनेचे अध्यक्ष श्रीराम खरे यांनी शुभेच्छा दिल्या.
----
विजेत्यांची नावे अशी
१९ वर्षाखालील जिल्हा संघ : विजेते श्रीहास नारकर, आर्यन धुळप, कौस्तुभ हर्डीकर, लवेश पावसकर. १९ वर्षाखालील मुलींचा जिल्हा संघ : निधी मुळ्ये, सई प्रभुदेसाई, सानवी दामले, खुशी सावंत. उत्तेजनार्थ बक्षिसे : अन्वय अंबिके, वेद डोईफोडे, लोकजित मुळ्ये. १३ वर्षाखालील जिल्हा संघ :आयुष रायकर, रूमीन वस्ता. १३ वर्षाखालील मुलींचा जिल्हा संघ : तनया आंब्रे, रमा कानविंदे. उत्तेजनार्थ बक्षिसे : राघव पाध्ये, अर्णव गावखडकर.