डॉ. पावसकर यांच्या कवितेत राजकीय पडसाद

kan294.jpg
66906
कुडाळः येथे डॉ. अमुल पावसकर यांच्या अनुभूती काव्यसंग्रहाचे प्रकाशन करताना कवी अजय कांडर, बाजूला डॉ. अनिरुद्ध फडके, डॉ कादंबरी पावसकर, डॉ. हर्षदा देवधर, डॉ. प्रफुल्ल आंबेरकर, प्रफुल्ल वालावलकर, डॉ. हर्षदा देवधर, डॉ. गुरुराज कुलकर्णी आदी.

डॉ. पावसकर यांच्या कवितेत राजकीय पडसाद
कवी अजय कांडरः कुडाळ येथील कार्यक्रमात ‘अनुभूती’ काव्यसंग्रहाचे प्रकाशन
सकाळ वृत्तसेवा
कणकवली, ता. २९ः कवी डॉ. अमुल पावसकर यांच्या अनुभूती काव्यसंग्रहातील कवितांमधून राजकीय पडसाद उमटलेले दिसत आहेत. या संग्रहातील कवितेला कोणताच विषय वर्ज्य नाही. प्रेमापासून निसर्गापर्यंत, सामाजिकतेपासून राजकारणापर्यंत सगळेच विषय अनुभूती मधील कवितांनी व्यापलेले दिसतात. यामुळेच अनुभूती मधील कवितांमधून जगण्याचे समग्रभान व्यक्त होते, असे प्रतिपादन कवी अजय कांडर यांनी केले.
डॉ. पावसकर यांच्या प्रभा प्रकाशनाने प्रकाशित केलेल्या अनुभूती काव्यसंग्रहाचा प्रकाशन सोहळा कुडाळ येथील मराठा सभागृहात झाला. लीलावती हॉस्पिटलचे प्रसिद्ध डॉ. अनिरुद्ध फडके यांच्या प्रमुख उपस्थित झालेल्या या कार्यक्रमात बोलताना कवी कांडर यांनी वैद्यकीय क्षेत्रातील व्यक्तींना वेळेचा अभाव असतानाही डॉ. पावसकर निष्ठेने कविता लिहितात याबद्दल त्यांचे कौतुकच करायला हवे असेही आग्रहाने सांगितले.
यावेळी. डॉ. मुक्तानंद गवंडळकर, डॉ. संजय सावंत, डॉ. प्रफुल्ल आंबेरकर, डॉ. राजेश नवांगुळ, प्रफुल्ल वालावलकर, डॉ. हर्षदा देवधर, डॉ. मिलिंद कुलकर्णी, डॉ. गुरुराज कुलकर्णी, डॉ. संजय निगुडकर, नकुल पार्सेकर, डॉ. संजीव आकेरकर आदी उपस्थित होते.
डॉ. अनिरुद्ध फडके म्हणाले, कवी पावसकर यांनी आपल्या कवितांमधून जगण्याच्या सगळ्या विषयाला स्पर्श केला आहे. त्यामुळे वेगवेगळे अनुभव त्यांच्या कवितेत वाचायला मिळतात. जगण्याची सहजता कवी पावसकर यांच्या जगण्यात आढळत असल्यामुळे त्यांची कविता सहज सोप्या भाषेत आपल्याला वाचायला मिळते. डॉ. आकेरकर यांनी सूत्रसंचालन केले, डॉ. कादंबरी पावस्कर यांनी स्वागत केले. कवी डॉ. अमोल पावसकर यांनी आभार मानले.