ःनाटे येथील शिबिरात 40 जणांनी केले रक्तदान
- rat२९p१५.jpg-
P२५N६६९५६
राजापूर ः नाटे येथे सेवा समिती कोकण प्रांत ट्रस्ट यांच्यावतीने सुरू करण्यात आलेले रुग्ण साहित्य केंद्र.
---
नाटेतील शिबिरात ४० जणांचे रक्तदान
कोकण प्रांत ट्रस्ट ; रुग्ण साहित्यकेंद्राचेही उद्घाटन
सकाळ वृत्तसेवा
राजापूर, ता. २९ ः श्री नवलादेवी प्रासादिक भजन मंडळ नाटे यांच्यावतीने आयोजित केलेल्या शिबिरात ४० जणांनी रक्तदान केले. या वेळी सेवा समिती कोकण प्रांत ट्रस्ट यांच्यावतीने रुग्ण साहित्य नाटे केंद्राचे उद्घाटन झाले.
श्री नवलादेवी प्रासादिक भजन मंडळाने रत्नागिरी जिल्ह्यातील दैनंदिन रक्ताची गरज लक्षात घेत रक्तदान शिबिराचे आयोजन केले होते. या उपक्रमात सेवा भारती कोकण प्रांत ट्रस्ट यांच्यावतीने रुग्ण साहित्य सेवा केंद्र सुरू केले. यासाठी जायंट्स क्लबच्या सहकार्याने रुग्ण उपयोगी बेड, वॉकर, व्हीलचेअर, कमोड चेअर, स्ट्रेचर आदी साहित्य संस्थेला भेट दिले. ग्रामीण भागामध्ये आरोग्यव्यवस्था सुधारण्यासाठी सेवा भारती कोकण प्रांत ट्रस्ट आणि जायंटस् क्लब यांच्यावतीने नेहमीच सहकार्य केले जाते. जायंट्स क्लब ही संस्था आंतरराष्ट्रीय स्तरावर अनेक प्रकारच्या सेवाभावी वस्तू सामाजिक संघटनांना देत असते. सेवा भारती कोकण प्रांत ट्रस्ट ही धर्मादाय संस्था शैक्षणिक, स्वावलंबन, सेवा, स्वास्थ्य, आपदा प्रबंधन या अनेक विषयांवर कार्यरत असते. वर्षभरापूर्वी श्री नवलादेवी प्रासादिक भजन मंडळाने सेवा भारती कोकण प्रांत ट्रस्ट यांच्याकडे रुग्ण सेवा केंद्र सुरू करण्यासंदर्भात इच्छा व्यक्त केल्यानंतर तातडीने सर्व प्रकारच्या परवानग्या घेऊन सेवा भारती धर्मादाय ट्रस्ट यांनी त्या सगळ्या सामानाची पूर्तता केली. त्यामुळे अल्प दरामध्ये रुग्णांना मदत मिळणार आहे. या शिबिरामध्ये ओम साई समर्थ मित्रमंडळ, व्यापारी संघटना नाटे, नम्रता बाणेवाडी, भद्रकाली प्रासादिक भजन मंडळ, रिक्षा संघटना नाटे तसेच अनेक मंडळाचे कार्यकर्ते या शिबिरामध्ये सहभागी झाले. त्यामध्ये ४० जणांनी रक्तदान केले. या कार्यक्रमासाठी ग्रामस्थांनीही श्री नवलादेवी प्रासादिक भजन मंडळाला मोलाचे सहकार्य केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.