एक लाख विद्यार्थ्यांना पहिल्याच दिवशी पुस्तके

एक लाख विद्यार्थ्यांना
पहिल्याच दिवशी पुस्तके
शासनाचा उपक्रम ः पहिली ते आठवीच्या विद्यार्थ्यांना मोफत वाटप
रत्नागिरी, ता. २९ ः समग्र शिक्षा अभियानांतर्गत अनुदानित शाळामंधील पहिली ते आठवीच्या विद्यार्थ्यांना मोफत पाठ्यपुस्तके दिली जातात. यावर्षी जिल्ह्यातील १ लाख २७९ विद्यार्थ्यांना ६ लाख १३ हजार ३८९ पाठ्यपुस्तके उपलब्ध करून दिली जाणार आहेत. शाळेच्या पहिल्या दिवशी पाठ्यपुस्तके वितरित केली जाणार आहेत.
शासनातर्फे समग्र शिक्षा अभियानांतर्गत जिल्हा परिषद, शासकीय व खासगी अनुदानित शाळांमध्ये शिक्षण घेणाऱ्या पहिली ते आठवीपर्यंतच्या विद्यार्थ्यांना मोफत पुस्तके मिळत असल्यामुळे पालकांचा पुस्तकांवरील खर्च वाचतो. जिल्हा परिषदेच्या शिक्षण विभागाकडून पुस्तके वाटपाचे नियोजन करण्यात आले आहे. प्रत्येक शाळेकडे पुस्तके पोहोच केली जाणार असून, शाळेमध्ये पहिल्या दिवशी विद्यार्थ्यांना वितरित करण्यात येणार आहेत. एकही विद्यार्थी शिक्षणापासून वंचित राहू नये, शाळेतील गळतीचे प्रमाण शुन्यावर आणण्यासाठी समग्र शिक्षा अभियानांतर्गत विविध उपक्रम राबवण्यात येतात. यात पहिल्याच दिवशी पुस्तके हाती पडणार असल्याने विद्यार्थ्यांमध्ये त्याचा सकारात्मक बद्दल दिसून येणार आहे.