चिपळुणातील सवतसडा धबधबा प्रवाही

66997
चिपळुणातील सवतसडा धबधबा प्रवाही
चिपळूण, ता. २९ ः मे महिन्याच्या दुसऱ्‍या पंधरवड्यातच परशुराम डोंगरावरून सवतसडा धबधबा प्रवाहित झाला आहे.
गेल्या अनेक वर्षांपासून पावसाळी पर्यटकांच्यादृष्टीने आकर्षणाचा ठरलेला मुंबई-गोवा राष्ट्रीय महामार्गावरील परशुराम डोंगरातून कोसळणारा निसर्गरम्य परिसरातील विलोभनीय सवतसडा धबधबा यंदाच्या मॉन्सूनपूर्व पावसातच प्रवाहित झाला आहे. महामार्गापासून सुमारे अर्धा फर्लांग आतमध्ये असलेला व कोकण निर्माते भगवान परशुराम यांच्या मंदिर परिसरातील डोंगरकड्यावरून प्रवाहित होणारा या सवतसडा धबधब्याचे पावसाळ्यात अत्यंत विलोभनीय दृश्य दिसून येते. महामार्गावरील उंच कड्यावरून कोसळणारा धबधबा पाहून पर्यटकांची पावले धबधब्याकडे वळू लागली आहेत.