भाजपातर्फे नारी शक्ती सन्मान पुरस्कार प्रदान

rat३०p१.jpg-
P२५N६७०९७
रत्नागिरी : नारी शक्ती सन्मान पुरस्कार अर्चना गोखले यांना प्रदान करताना रत्नागिरी भाजप महिला पदाधिकारी.
---
भाजपतर्फे नारी शक्ती पुरस्कार प्रदान
सकाळ वृत्तसेवा
रत्नागिरी, ता. ३० : राजमाता पुण्यश्लोक अहिल्यादेवी होळकर यांच्या त्रिशताब्दी जयंतीनिमित्त भारतीय जनता पार्टी महिला मोर्चा, रत्नागिरी शहर मंडळाच्या वतीने नारी शक्ती सन्मान पुरस्काराचे वितरण रत्नागिरीत करण्यात आले.
या पुरस्काराद्वारे सामाजिक, शैक्षणिक, वैद्यकीय, क्रीडा आणि न्यायक्षेत्रात उल्लेखनीय योगदान देणाऱ्या कर्तृत्ववान महिलांचा सन्मान करण्यात आला. या सोहळ्यात रत्नागिरी एज्युकेशन सोसायटीच्या कार्याध्यक्ष शिल्पा पटवर्धन, महाजनी फाउंडेशनच्या प्रमुख ॲड. रुची महाजनी, हॉटेल व्यावसायिक अर्चना गोखले, प्रादेशिक मनोरुग्णालयाच्या अधीक्षिका संघमित्रा फुले, डॉ. पल्लवी यादव, क्रीडा अधिकारी ऐश्वर्या सावंत, डॉ. ज्योती चव्हाण यांना नारी शक्ती सन्मान पुरस्कार देऊन गौरवण्यात आले.
कार्यक्रमाचे आयोजन भाजप महिला मोर्चा जिल्हाध्यक्षा वर्षा ढेकणे आणि शहराध्यक्षा पल्लवी पाटील यांच्या मार्गदर्शनाखाली झाले. या वेळी माजी नगरसेविका सत्यवती बोरकर, मानसी करमरकर, सुप्रिया रसाळ, प्रणाली रायकर, संपदा तळेकर, महिला पदाधिकारी सायली बेर्डे, सारिका शर्मा आदी मान्यवर उपस्थित होते. पुरस्कारप्राप्त महिलांनी आपल्या कार्याचा अनुभव सांगत महिला सशक्तीकरण, नेतृत्व आणि सामाजिक बदल या विषयांवर आपले विचार व्यक्त केले.
--