११ वीची ऑनलाईन प्रवेश प्रक्रिया सुरू

नवनिर्माण महाविद्यालयात
११ वीची प्रवेश प्रक्रिया सुरू
सकाळ वृत्तसेवा
रत्नागिरी, ता. ३० ः नवनिर्माण ज्युनिअर कॉलेज ऑफ आर्ट्स कॉमर्स अँड सायन्स महाविद्यालयामध्ये अकरावीची ऑनलाईन प्रवेश प्रक्रिया सुरू झाली आहे. महाविद्यालयात ही प्रवेश प्रक्रिया मोफत राबवण्यात येत आहे. महाविद्यालयाची मान्यता मराठी माध्यमाची असली तरी विज्ञान, वाणिज्य, कला शाखेमध्ये इंग्रजी माध्यमाचे विद्यार्थी प्रवेश घेऊ शकतात. त्यांना इंग्रजी माध्यमाचे शिक्षण उपलब्ध आहे, असे आवाहन प्राचार्या डॉ. आशा जगदाळे यांनी सांगितले.
नवनिर्माण जुनिअर कॉलेज ऑफ आर्ट्स, कॉमर्स, सायन्समध्ये ऑनलाईन प्रवेश सुरू झाले आहेत. प्रथमच सुरू झालेल्या या प्रवेश प्रक्रियेची माहिती विद्यार्थ्यांना सुलभ व्हावी. यासाठी महाविद्यालयात समुपदेशन कक्ष व विद्यार्थी सहायता कक्ष सुरू करण्यात आला आहे. विद्यार्थ्यांना अर्ज भरणे व प्रवेशासंदर्भात इतर माहिती जाणून घेण्यासाठी या कक्षात मार्गदर्शन केले जाणार आहे. दिनांक ३ जून पर्यंत विद्यार्थ्यांनी नाव नोंदणी व कॉलेज निवड फॉर्म भरणे बंधनकारक आहे. अकरावी आर्ट्समध्ये मुलींना मोफत प्रवेश दिला जाणार आहे. बारावी सायन्समध्ये बायफोकल विषय म्हणजेच कम्प्युटर सायन्स, इलेक्ट्रिकल मेंटेनन्स, मेकॅनिकल मेंटेनन्स या विषयांना मर्यादित प्रवेश आहेत. उत्कृष्ट निकालाची परंपरा एसी कम्प्युटर लॅब, मोफत बस व्यवस्था, सीईटी,नीट, जेईई, स्पर्धा परीक्षा मार्गदर्शन आदी वैशिष्ट्ये आहेत.