घरावर कोसळले झाड

कळंबुशीत घरावर कोसळले झाड
संगमेश्वर, ता. ३० ः तालुक्यातील कळंबुशी येथे बुधवारी (ता. २८) सकाळी सहाच्या सुमारास काही वेळासाठी वादळ व पाऊस झाला. वादळाचा वेग व पाऊस जोरात असल्याने कळंबुशीतील शेवट करंडा या वाडीतील शरद बाळकृष्ण चव्हाण यांच्या राहत्या घरावर फणसाचे मोठे झाड पडले. त्यामुळे घराचे मोठ्या प्रमाणात नुकसान झाले.
या वेळी चव्हाण यांच्या घरी लहान मुलांसह काही माणसे होती; परंतु कोणालाही दुखापत झाली नाही; परंतु घराच्या छप्पराचे नुकसान झाले. पावसाळ्याचे दिवस सुरू होऊन आचानकपणे ओढवलेल्या अशा प्रसंगामुळे चव्हाण कुटुंबीय घाबरून गेले आहे. हे वृत्त कळताच सरपंच सचिन चव्हाण, ग्रामस्थ, हितचिंतकांनी घटनास्थळी भेट देऊन कुटुंबीयांना धीर दिला. नुकसानीचा पंचनामा झाला असून पत्रे, लोखंडी अॅंगल, चॅनल याचे सुमारे ३२ हजारांचे नुकसान झाले आहे.
---