स्थानिक स्वराज्यसाठी कोअर कमिटी करा

rat30p9.jpg-
67127
संगमेश्वरः भाजप दक्षिण जिल्हाध्यक्ष राजेश सावंत यांचे स्वागत करताना कार्यकर्ते.
-----------
स्थानिक स्वराज्यसाठी कोअर कमिटी करा
राजेश सावंत ः भाजपमध्ये इच्छुकांची चाचपणी सुरू
सकाळ वृत्तसेवा
रत्नागिरी, ता. ३१ : आगामी स्थानिक स्वराज्य संस्थांच्या निवडणुकीसाठी भाजप सज्ज झाले असून जिल्हाध्यक्ष पदावरील फेरनिवडीनंतर राजेश सावंत यांनी प्रत्येक मतदारसंघाचा आढावा घेण्यास सुरवात केली आहे. मंडळ अधिकाऱ्यांनी इच्छुकांचीही चाचपणी करा अशा सूचना त्यांनी दिल्या आहेत. तसेच निवडणुकीसाठी कोअर कमिटी करा असे आदेश त्यांनी दिले.
भाजपा दक्षिण रत्नागिरी जिल्हाध्यक्ष राजेश सावंत यांनी राजापूर-लांजा-साखरपा विधानसभा क्षेत्राच्या दौरा करून प्रत्येक मंडलनिहाय बैठका घेतल्या. तसेच नूतन मंडल अध्यक्षांना भविष्यात होणाऱ्या नगरपालिका, ग्रामपंचायती, जिल्हा परिषद, पंचायत समिती निवडणुकांच्या पार्श्वभूमीवर संघटनेमध्ये विविध प्रकारच्या जबाबदाऱ्या ग्रामपंचायतनिहाय वाटून देण्याविषयी मार्गदर्शन केले.
जिल्हाध्यक्ष सावंत यांनी इच्छुक उमेदवारांची चाचपणी करण्यासंदर्भात सूचना केल्या आहेत. तसेच वेळेला शहर किंवा पंचायत समिती गणातील प्रत्येक प्रभाग डोळ्यासमोर ठेवून कोअर कमिटी तयार करण्याच्याही सूचना दिल्या आहेत. दक्षिण जिल्हाध्यक्ष सावंत यांची फेरनियुक्ती झाल्यानंतर विधानसभा मतदारसंघात दौरा करीत आहेत. नूतन मंडलाध्यक्षांच्यावतीने त्यांचा यथोचित सत्कारही करण्यात आला. त्यांच्यासोबत माजी जिल्हा सरचिटणीस अमित केतकर प्रदेश महिला मोर्चा सचिव शिल्पा मराठे उपस्थित होत्या.
---