साखरपा ः निबंध लेखन स्पर्धेत बाबा लाड प्रथम

rat31p10.jpg
67339
साखरपा : पारितोषिक स्वीकारताना शिक्षक बाबासाहेब लाड आणि अन्य मान्यवर.

निबंध लेखन स्पर्धेत
शिक्षक बाबा लाड प्रथम
साखरपा, ता ३१ : पुण्यश्लोक अहिल्याबाई होळकर यांच्या ३००व्या जयंतीनिमित्त आयोजित निबंध लेखन स्पर्धेत केंद्रशाळा साखरपा नं. १ येथील शिक्षक बाबा लाड यांनी उज्ज्वल यश संपादन केले आहे. या स्पर्धेत लाड यांनी प्रथम पारितोषिक मिळवले आहे. संगमेश्वर तालुका भारतीय जनता पक्षातर्फे ही स्पर्धा आयोजित करण्यात आली होती. पुण्यश्लोक अहिल्यादेवी होळकर यांचे सामाजिक आणि राजकीय क्षेत्रातील योगदान विषयावर लाड यांनी मांडलेली मते परीक्षकांच्या विशेष पसंतीस पडली आणि त्यामुळे त्यांच्या निबंधास प्रथम पारितोषिक देण्यात आले. स्पर्धेत एकूण २१ स्पर्धक सहभागी झाले होते. सद्गुरू लोकमान्य वाचनालयात पार पाडलेल्या पारितोषिक वितरण समारंभात बाबासाहेब लाड यांना गौरवण्यात आले. या वेळी अध्यक्ष ग. के. जोशी, भारतीय जनता पक्षाचे संगमेश्वर तालुकाध्यक्ष रूपेश कदम उपस्थित होते.