रत्नागिरी- जीजेसी ९५ गोल्डन फॅमिलीचे स्नेहसंमेलन उत्साहात

rat1p10.jpg-
67466
रत्नागिरी : गोगटे-जोगळेकर महाविद्यालयातील १९९५ च्या माजी विद्यार्थ्यांच्या स्नेहसंमेलनातील एक क्षण.

जीजेसी ९५ गोल्डन फॅमिलीचे स्नेहसंमेलन
सकाळ वृत्तसेवा
रत्नागिरी, ता. २ : १९९५ मध्ये शिकलेल्या गोगटे- जोगळेकर महाविद्यालयातील सर्व शाखातील विद्यार्थी गेले अनेक वर्ष एकत्र येऊन स्नेहसंमेलन करत असतात. यावर्षी १०० पेक्षा अधिक माजी विद्यार्थी एकत्र येऊन वार्षिक स्नेहसंमेलन उत्साहामध्ये झाले.
वार्षिक स्नेहसंमेलनामध्ये अनेक सांस्कृतिक कार्यक्रम पार पाडण्यात आले. शाकाहारी आणि मांसाहारी पदार्थांची पाककला स्पर्धा झाली. महिलांसाठी पैठणीचा कार्यक्रम अतिशय उत्साहात आणि खिलाडी वृत्तीने साजरा झाला. गाण्यांचा, नृत्याचा कार्यक्रम आणि विविध फॅशन शो सादर करण्यात आले. या संमेलनाला मुंबई, पुणे, गोवा, पनवेल, पेण इथूनही अनेक माजी विद्यार्थी सहभागी झाले होते.
बिपिन बंदरकर यांच्या मार्गदर्शनाखाली शेखर कवितके, संदेश गांगण, डॉ. आनंद आंबेकर, सत्यशील सावंत, समीर सावंत, सोनाली बंदरकर, अजित साळवी, योगिनी सावंत, सोनाली सावंत, ज्योती मुळे, मंजिरी लिमये, अस्मिता मालगुंडकर, देवयानी शेट्ये, हेमंत चोप्रा, संकेत घाग, अमरेश सावंत, राजेश जाधव, महेंद्र बोरकर यांनी विशेष सहकार्य केले. सूत्रसंचालन सोनाली सावंत आणि कौस्तुभ सावंत यांनी केले.