अहिल्यानगर येथे ९ जूनपासून कबीरसाहेब प्रकट दिन सोहळा

swt23.jpg
67661
संत रामपाल महाराज

अहिल्यानगर येथे ९ जूनपासून
कबीरसाहेब प्रकट दिन सोहळा
सकाळ वृत्तसेवा
कुडाळ, ता. २ ः जगत गुरुतत्त्वदर्शी संत रामपालजी महाराज यांच्या सानिध्यात ६२८ वा कबीरसाहेब प्रकट दिन सोहळा ९ ते ११ जून या कालावधीत सतलोक आश्रम ढवळपुरी, अहिल्यानगर येथे साजरा करण्यात येणार आहे. या तीन दिवशीय सोहळ्यात अखंड पाठ, विशाल भंडारा, हुंडामुक्त विवाह, रक्तदान शिबिर, अध्यात्मिक प्रवचन आदी विविध कार्यक्रमांचे आयोजन करण्यात आलेले आहे.
वाईट वृत्ती, नशापान, चोरी, वादविवाद, जुगार या दुष्कर्मांचे आपल्या जीवनावर होणारे दुष्परिणाम याविषयी माहिती देण्यात येणार आहे. सर्व धर्म, जात आणि पंथभेद विसरून प्रत्येकाने आपल्या जीवनात सत्याचरण करावे. एकमेकांबद्दल राग, द्वेष, ईर्ष्या न ठेवता प्रेमाने आणि सौहार्दाने राहावे, यासाठी ‘ज्ञान गंगा’, ‘जगण्याचा मार्ग’, ‘गीता तेरा ज्ञान अमृत’ आदी पुस्तकांच्या माध्यमातून या सर्व सत्याचा प्रसार करण्यात येत आहे. या सर्व ग्रंथांमध्ये दिलेल्या ज्ञानाबाबत मार्गदर्शन रामपाल महाराज करणार आहेत.
सिंधुदुर्ग जिल्ह्यात संत रामपालजी महाराज यांचे भक्तजन मोठ्या प्रमाणात असून, या सोहळ्यासाठी जिल्ह्यातील भक्तजन मोठ्या संख्येने जाणार आहे. या सोहळ्याला उपस्थित राहून संत रामपालजी महाराज यांच्या अमृतवचनांचा लाभ घ्यावा, असे आवाहन समस्त दास दिलीप माने, दास जितेंद्र ठाकूर यांनी केले आहे.