तळेरे येथे नारीशक्तीचा सन्मान

swt27.jpg
67692
तळेरे ः अहिल्याबाई होळकर जयंतीनिमित्त विविध कर्तृत्ववान महिला आणि गुणवंत विद्यार्थिनी यांचा विशेष सन्मान करण्यात आला. (छायाचित्र : एन. पावसकर)

तळेरे येथे नारीशक्तीचा सन्मान
ग्रामपंचायतीचा पुढाकारः अहिल्यादेवी जयंती दिनी उपक्रम
सकाळ वृत्तसेवा
तळेरे, ता. २ : पुण्यश्लोक अहिल्यादेवी होळकर यांची जयंती तळेरे ग्रामपंचायत कार्यालयाच्या सभागृहात साजरी करण्यात आली. त्यानिमित्ताने सामाजिक क्षेत्रात योगदान देणाऱ्या महिला तसेच माध्यमिक व उच्च माध्यमिक शालांत परीक्षेमध्ये विशेष प्राविण्यासह उत्तीर्ण झालेल्या गुणवंत विद्यार्थिनींचा मान्यवरांच्या हस्ते शाल, श्रीफळ व पुष्प प्रदान करून सत्कार करण्यात आला. गुणवंत विद्यार्थिनींना भेटवस्तू प्रदान करण्यात आल्या.
या कार्यक्रमाची सुरुवात दीपप्रज्वलन करून व पुण्यश्लोक अहिल्यादेवी होळकर यांच्या प्रतिमेस पुष्पहार अर्पण करून करण्यात आली. या कार्यक्रमाला कणकवली पंचायत समितीचे माजी सभापती तथा भाजप कणकवली ग्रामीण मंडळ अध्यक्ष दिलीप तळेकर, तळेरे सरपंच हनुमंत तळेकर, उपसरपंच रिया चव्हाण, माजी उपसरपंच तथा ग्रामपंचायत सदस्य शैलेश सुर्वे, ग्रामपंचायत सदस्य संदीप घाडी, तंटामुक्ती अध्यक्ष नीलेश सोरप, सामाजिक कार्यकर्ते तथा शाळा व्यवस्थापन समिती अध्यक्ष राजेश जाधव, भाजप युवा मोर्चा कणकवली तालुका उपाध्यक्ष चिन्मय तळेकर, ग्रामपंचायत अधिकारी राजलक्ष्मी जाधव, वैद्यकीय अधिकारी धनश्री जाधव, आरोग्य सेवक श्री. मांडवकर, पोलिसपाटील चंद्रकांत जाधव आदी उपस्थित होते.
यावेळी तळेकर यांनी मनोगत व्यक्त केले. आभार राजलक्ष्मी जाधव यांनी मानले.