विद्यार्थ्यांनी अद्यावत तंत्रज्ञान आत्मसात करावेः लखन राजे

kan25.jpg
67714
सुकळवाडः येथील एम. आय. टी. एम महाविद्यालयाच्या पदवीदान सोहळ्यात बोलताना लखम राजे सावंत - भोसले.
----------------------------
विद्यार्थ्यांनी अद्यावत तंत्रज्ञान
आत्मसात करावेः लखन राजे
एमआयटीएम महाविद्यालयात पदवीदान सोहळा
सकाळ वृत्तसेवा
कणकवली, ता. २ः तुम्ही नेहमी शिकत रहा कुठे ही थांबू नका. शिक्षणाबरोबर अनुभव देखील तेवढाच महत्त्वाचा आहे. वाईट चांगलं ओळखणं गरजेचं आहे. पण, तंत्रज्ञानाला करिअर म्हणून बघा, दिवसेंदिवस तंत्रज्ञान अद्यावत होत चालले आहे. या अद्यावत तंत्रज्ञानाचा वापर करा, असे आवाहन पंचम खेमराज महाविद्यालयाचे विश्वस्त तथा युनिव्हर्सिटी ऑफ मुंबई सिनेट सदस्य युवराज लखम राजे सावंत भोसले यांनी केले.
सुकळवाड येथील एमआयटीएम अभियांत्रिकी महाविद्यालयातील पदवीदान सोहळ्यात ते बोलत होते. यावेळी सामाजिक कार्यकर्ते अशोक सावंत, संस्थेचे अध्यक्ष संतोष पाल, उपाध्यक्ष विनोद कदम, खजिनदार वृषाली कदम, प्राचार्य डॉ. एस.व्ही. ढणाल, परीक्षा प्रमुख विशाल कुसे, उपप्राचार्य पूनम कदम आदी उपस्थित होते.
यावेळी संस्था उपाअध्यक्ष श्री. कदम म्हणाले, चांगल्या प्रतीचे अभियंता घडवण्याचे काम संस्थेने केले आहे. शैक्षणिक क्षेत्राची प्रगती होणे गरजेचे आहे. तरच आपला देश पुढे जाईल. देशाचे भविष्य म्हणजे तुम्ही आहात. शैक्षणिक धोरणात प्रगती करणे आवश्यक आहे. सर्वसामान्य विद्यार्थ्यांचा विचार करून हा जिल्हा शैक्षणिक दृष्ट्या प्रगतीवर येणे म्हणजे खरे यश आहे. संस्थाध्यक्ष संतोष पाल यांनी विद्यार्थ्यांशी संवाद साधला ते म्हणाले, आयुष्यात आता तुम्ही पदवीधर होऊन बाहेर पडणार आहात. तुमच्यामध्ये सहनशक्तीची पातळी उच्च असली पाहिजे. आयुष्यात कोणते ही काम करताना त्या कामाचे महत्त्व लक्षात घ्या. त्याचे श्रेय नाही मिळाले नाही तर अपयशी होऊ नका. त्यातून नवे काहीतरी शिका. प्राचार्य डॉ. ढणाल यांनी विद्यार्थ्यांचे अभिनंदन केले. जानवी पावस्कर या समन्वयक होत्या तर सूत्रसंचालन हिनाली कोरगावकर यांनी केले.