मुळदे ग्रामपंचायतीतर्फे आज दाखले वाटप, योजनांचे शिबिर

मुळदे ग्रामपंचायतीतर्फे आज
दाखले वाटप, योजनांचे शिबिर
सकाळ वृत्तसेवा
कुडाळ, ता. ३ः मुळदे ग्रामपंचायत व महात्मा गांधी तंटामुक्त गाव समिती यांच्यावतीने आयोजित गावातील सर्वसामान्य नागरिकांसाठी दरवर्षीप्रमाणे कुडाळ तहसीलदार कार्यालयाच्या सहकार्याने महाराजस्व अभियान (शासन आपल्या दारी) या शासनाच्या महत्त्वाकांक्षी उपक्रमांतर्गत विविध शासकीय योजना व त्यासाठी आवश्यक दाखल्यांचे वितरण शिबिराचे आयोजन केले आहे.
मुळदे ग्रामपंचायत कार्यालयात उद्या (ता. ४) सकाळी १०.३० वाजता हे शिबिर होणार आहे.या शिबिराला प्रमुख अतिथी तथा मार्गदर्शक तहसीलदार वीरसिंग वसावे, कुडाळ पोलिस निरीक्षक राजेंद्र मगदूम, सरपंच संध्या मुळदेकर, मंडळ अधिकारी प्रशांत मसूरकर, उपसरपंच अपूर्वा पालव, सहायक पोलिस उपनिरीक्षक दयानंद चव्हाण, तंटामुक्त गाव समिती अध्यक्ष गणपत चव्हाण, पोलिसपाटील तथा निमंत्रक रामदास चव्हाण, ग्राम महसूल अधिकारी (आंबडपाल) दत्तात्रय जगताप, अश्विनी पालव, प्रवीण पालव, गोविंद तोरस्कर, योगिता माळकर, गुरुदास पेंटर, गुरुनाथ गरुड, वैशाली पालव, चंद्रकांत पालव, सर्व ग्रामपंचायत सदस्य, तंटामुक्त गाव समिती सदस्य उपस्थित राहणार आहेत. विविध शासकीय योजना व दाखल्यांचा लाभ घेण्यासाठी जास्तीत जास्त ग्रामस्थांनी आवश्यक त्या कागदपत्रांची पूर्तता करून या शिबिराचा लाभ घ्यावा, असे आवाहन केले आहे.