राजाराम शिंदे, सुरेश पेंढारी सेवानिवृत्त

- rat५p८.jpg -
२५N६८२४०
राजापूर ः राजाराम शिंदे यांचा सत्कार करताना तहसीलदार विकास गंबरे.
---
राजाराम शिंदे, सुरेश पेंढारी सेवानिवृत्त
सकाळ वृत्तसेवा
राजापूर, ता. ५ : राजापूर तहसीलदार कार्यालयातील सहाय्यक महसूल अधिकारी पदावर कार्यरत असलेले राजाराम शिंदे (माजी सैनिक) आणि राजापूर उपविभागीय अधिकारी कार्यालयातील शिपाई पदावर कार्यरत सुरेश पेंढारी हे सेवानिवृत्त झाले आहेत. त्यांचा शुभेच्छा समारंभ सहाय्यक जिल्हाधिकारी तथा उपविभागीय अधिकारी डॉ. जॅस्मिन, तहसीलदार विकास गंबरे यांच्यासह अधिकारी, कर्मचाऱ्यांच्या उपस्थितीत झाला.
सैन्यदलात १९८४ पासून कार्यरत असलेले शिंदे २००० मध्ये हवालदार या पदावरून सेवानिवृत्त झाले. त्यानंतर, २००५ मध्ये महसूल विभागामध्ये लिपिक टंकलेखक म्हणून रूजू झाले. २०१८ मध्ये त्यांना अव्वल कारकून म्हणून पदोन्नती मिळाल्यानंतर २०१८ पासून गोदाम व्यवस्थापक या पदावर कार्यरत होते. तसेच पेंढारी यांनी १९९५ ते १९९६ जिल्हाधिकारी कार्यालयात, १९९६ ते २०१५ राजापूर तहसीलदार कार्यालयात तर २०१५ ते २०२५ या कालावधीत प्रांत कार्यालयात सेवा बजावली.