सावंतवाडी वाचनालयात अहिल्यादेवींना अभिवादन

swt57.jpg
68271
सावंतवाडीः श्रीराम वाचन मंदिरात अहिल्यादेवींना अभिवादन करण्यात आले.

सावंतवाडी वाचनालयात
अहिल्यादेवींना अभिवादन
सकाळ वृत्तसेवा
सावंतवाडी, ता. ५ः येथील श्रीराम वाचन मंदिरात शनिवारी (ता. ३१) पुण्यश्लोक अहिल्यादेवी होळकर यांच्या ३०० व्या जयंतीनिमित्त त्यांच्या प्रतिमेचे पूजन करून अभिवादन करण्यात आले. हा कार्यक्रम उत्साहात पार पडला.
अहिल्यादेवी होळकर यांचे विस्तृत कार्य, त्यांचे प्रशासकीय कौशल्य, धार्मिक वृत्ती आणि लोककल्याणकारी विचार यावर प्रकाश टाकण्यात आला. त्यांच्या कार्याचा आदर्श आजही प्रशासकीय दृष्ट्या महत्त्वाचा मानला जातो. याप्रसंगी अहिल्यादेवींच्या कार्याच्या विविध पैलूंवर प्रकाश टाकण्यात आला. उपस्थित मान्यवरांनी त्यांच्या विचारधारेतून प्रेरणा घेण्याचे आवाहन केले.
या कार्यक्रमाला जी. यू. दुबा यांनी उपस्थित राहून आपले विचार मांडले. यावेळी संस्थेचे मानद कार्यवाह रमेश बोंडे, सहकार्यवाह गणेश धोडके, साहित्यिक प्रा. प्रवीण बावडेकर आदी उपस्थित होते. ग्रंथपाल महेश पटेल यांनी या कार्यक्रमाचे उत्तम नियोजन केले. श्री. पटेल यांनी उपस्थितांचे आभार मानले.