चिपळूण ः स्वातंत्र्य लढ्यात राष्ट्रसेवा दलाची महत्त्वाची भूमिका

rat6p8.jpg-
68490
चिपळूणः राष्ट्रसेवा दल स्थापनदिनी मार्गदर्शन करताना अभिजित हेगशेट्ये.

स्वातंत्र्यलढ्यात राष्ट्रसेवा दलाची महत्त्वाची भूमिका
अभिजित हेगशेट्ये; राष्ट्रसेवा दलाचा स्थापनादिन साजरा
सकाळ वृत्तसेवा
चिपळूण, ता. ६ः ४ जून १९४१ रोजी राष्ट्रसेवा दलाची स्थापना झाली. हा दिवस देशातील सर्व राष्ट्रवादी विचारांच्या जनतेसाठी महत्त्वाचा आहे. भारताच्या स्वातंत्र्यलढ्यात राष्ट्रसेवा दलांनी महत्वाची भूमिका बजावली होती. देशाच्या स्वातंत्र्य चळवळीला सैनिक पुरवण्याचे काम केले आहे, असे मत रत्नागिरी जिल्हा राष्ट्रसेवा दल मंडळाचे सदस्य अभिजित हेगशेट्ये यांनी व्यक्त केले.
राष्ट्रसेवा दलाचा स्थापनादिन नवनिर्माण कला, वाणिज्य आणि विज्ञान महाविद्यालय लोवले, संगमेश्वर येथे साजरा करण्यात आला. या वेळी जिल्हा संघटक युयुत्सू आर्ते म्हणाले, आज भारतात लोकशाही धोक्यात आहे. लोकशाहीला वाचवण्याची जबाबदारी आजच्या युवकांची आहे. राष्ट्रसेवा दलाने लोकशाही, समाजवाद रूजवण्याचा प्रयत्न केला आहे.
सामाजिक समता, आर्थिक विषमता नष्ट होण्यासाठी सातत्याने दलाने प्रयत्न केले आहेत. ना. सू. हर्डीकर, शिरूभाऊ लिमये, सानेगुरूजी, एस. एम. जोशी, नानासाहेब गोरे यांनी राष्ट्रसेवा दलामध्ये योगदान दिले. त्यांच्या योगदानामुळे अनेक पिढ्या तयार झाल्या आणि त्या पिढ्यांनी समाजवादी विचार समाजामध्ये रूजवण्याचा प्रयत्न केला. राष्ट्रसेवा दलाचे जिल्हा कार्याध्यक्ष डॉ. ज्ञानोबा कदम यांनी युवकांची जडणघडण ही राष्ट्रसेवा दलात होते, असे मौलिक मार्गदर्शन केले. या वेळी महाराष्ट्रातील २४ जिल्ह्यातील नर्सिंग कॉलेजचे विद्यार्थी उपस्थित होते.