अभ्यासू सहकाऱ्यांमुळे काम गतिमान
68866
अभ्यासू सहकाऱ्यांमुळे काम गतिमान
गोविंद वेंगुर्लेकर ः खारेपाटण ग्रामपंचायतीतर्फे सदिच्छा कार्यक्रम
सकाळ वृत्तसेवा
तळेरे, ता. ७ : खारेपाटण गावात काम करताना येथील ग्रामस्थांचे मिळालेले सहकार्य कधीच विसरू शकणार नाही. येथील विविध जागृत व अभ्यासू लोकप्रतिनिधींसह काम करताना प्रशासकीय कामात अधिक गतिमानता आणण्यासाठी मदत झाली. ज्ञानात देखील मोठी भर पडली, असे प्रतिपादन खारेपाटण ग्रामपंचायतीचे ग्रामविकास अधिकारी गोविंद वेंगुर्लेकर यांनी सत्कार कार्यक्रमात केले.
खारेपाटण ग्रामविकास अधिकारी वेंगुर्लेकर यांची नुकतीच झाराप (ता. कुडाळ) येथे प्रशासकीय बदली झाली. त्यांचा सदिच्छा समारंभ नुकताच खारेपाटण ग्रामपंचायत कार्यालयात सरपंच प्राची इस्वलकर यांच्या अध्यक्षतेखाली झाला. यावेळी ते बोलत होते. खारेपाटण ग्रामपंचायत व ग्रामस्थांतर्फे सरपंच इस्वलकर यांच्या हस्ते त्यांचा सत्कार करण्यात आला. यावेळी उपसरपंच महेंद्र गुरव, माजी उपसरपंच इस्माईल मुकादम, ग्रामपंचायत सदस्य किरण कर्ले, जयदीप देसाई, सुधाकर ढेकणे, अमिषा गुरव, दक्षता सुतार, धनश्री ढेकणे, महिला बचतगट प्रतिनिधी जागृती पोटले, तंटामुक्त समिती अध्यक्ष प्रणय गुरसाळे, कृषिसेवक सागर चव्हाण, ग्रामस्थ देवानंद इस्वलकर, ग्रामपंचायत कर्मचारी उमेश राऊत, अजय तेली, अनिकेत गुरव, संगीता गुरसाळे, तृप्ती तेली आदी उपस्थित होते.
सरपंच इस्वलकर यांनी, वेंगुर्लेकर यांनी गेली ८ वर्षे खारेपाटण ग्रामपंचायतीमध्ये ग्रामविकास अधिकारी म्हणून काम केले. या कालावधीत शासनाच्या योजना तळागाळात पोहोचविण्याचे काम केले. ग्रामपंचायतीला तालुकास्तर संत गाडगेबाबा महाराज स्वच्छ्ता पुरस्कार मिळवून देण्यात त्यांचे मोलाचे सहकार्य लाभले. एक अभ्यासू आणि प्रशासनाची जाण असणारा कर्तव्यदक्ष अधिकारी म्हणून त्यांनी यापुढेही नावलौकिक करावा, अशा शुभेच्छा दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.