तळवडेत शेती विषयावर कृषिकन्यांकडून मार्गदर्शन

69090

तळवडेत शेती विषयावर
कृषिकन्यांकडून मार्गदर्शन

सकाळ वृत्तसेवा
सावंतवाडी, ता. ८ ः मुळदे उद्यानविद्या महाविद्यालयातून बीएससी कृषी अभ्यासक्रमाच्या चौथ्या वर्षांत शिकणाऱ्या कृषिकन्यांनी तळवडे येथे ग्रामीण कृषी कार्यानुभव कार्यक्रमांतर्गत शेतकऱ्यांना मार्गदर्शन केले.
या कार्यक्रमात ईश्वरी राणे, वृषाली काळे, मनस्वी खामकर, यज्ञश्री पाटील, निकिता सोनटक्के, अरोही सावे, आणि सियाली थोरात या विद्यार्थिनींचा समावेश आहे. ग्रामीण कृषी कार्यानुभव कार्यक्रम २०२५-२६ अंतर्गत या विद्यार्थिनी जून ते नोव्हेंबर या कालावधीत तळवडे गावात राहून शेतकऱ्यांना मार्गदर्शन करणार आहेत. या काळात त्या गावातील शेतीविषयक माहिती, ग्रामीण शेती पद्धती, विविध संस्था आणि शाळांना भेटी देऊन शेतकऱ्यांशी संवाद साधणार आहेत. शेतीविषयक विविध प्रात्यक्षिके करून दाखविणार आहेत. कार्यक्रमाच्या सुरुवातीला या कृषिकन्यांनी तळवडे ग्रामपंचायतीला भेट देत सरपंच वनिता मेस्त्री यांची भेट घेतली. सरपंच मेस्त्री यांनी स्वागत केले.