रूग्णांच्या हक्काविषयी रत्नागिरीत जनजागृती

- ratchl९३.jpg-
P२५N६९३०८
रत्नागिरी ः उपस्थितांना मार्गदर्शन करताना साथी संस्थेचे पदाधिकारी.
----
रुग्णांच्या हक्काविषयी जनजागृती
‘साथी’ संस्थेचा पुढाकार; ७५ जणांचा सहभाग
सकाळ वृत्तसेवा
चिपळूण, ता. ९ ः खासगी रुग्णालयात उपचार घेताना रुग्णांना त्यांचे हक्क माहिती व्हावेत तसेच विविध उपचारांची त्यांना दरपत्रकाद्वारे माहिती मिळावी, जनजागृती व्हावी यासाठी रत्नागिरी पालिका आणि पुणे येथील साथी संस्था यांच्या संयुक्त विद्यमाने रुग्ण हक्क व जबाबदाऱ्या कार्यशाळा घेण्यात आली. या कार्यशाळेत ७५ हून अधिक लोक सहभागी झाले होते.
रत्नागिरी पालिकेच्या आरोग्य विभागातील कर्मचारी, आशा, अंगणवाडी सेविका, संस्था संघटनांचे प्रतिनिधी, सरपंच, प्राध्यापक, शिक्षक, पत्रकार यांचा सक्रिय सहभाग होता. या वेळी जिल्हा शल्य चिकित्सक डॉ. जगताप, रत्नागिरीचे मुख्याधिकारी वैभव गारवे, उपमुख्याधिकारी मयूर बेहरे, स्वच्छता निरीक्षक संदेश कांबळे व प्रमित जाधव, अभिजित हेगशेट्ये उपस्थित होते. या प्रसंगी डॉ. जगताप म्हणाले, खासगी दवाखान्यातील रुग्णांच्या तक्रारींसाठी टोल फ्री नंबरची प्रक्रिया चालू आहे. सर्व दवाखान्यात दरपत्रक लागलेले आहेत. पुढे रत्नागिरीत खासगी दवाखान्यात रुग्ण हक्क सनद व दरपत्रक तपासणीची मोहीम करण्याचे ठरले. तसेच ट्रस्ट हॉस्पिटल निर्धन आणि दुर्बल घटकांसाठी २० टक्के खाटा आणि महात्मा ज्योतिबा फुले जनआरोग्य योजनेअंतर्गत पाच लाखांपर्यंत उपचाराचा खर्च महाराष्ट्रातील रहिवाशांना मिळतो. याबद्दलही माहिती देण्यात आली. सुनीता गांधी यांनी कार्यशाळेचे आयोजन व नियोजन केले.

...............नागेश पाटील