फोटोसंक्षिप्त-कावळेसाद पॉईंट येथे भाजपतर्फे वृक्षारोपण

69317

कावळेसाद पॉईंट येथे
भाजपतर्फे वृक्षारोपण

सकाळ वृत्तसेवा
सावंतवाडी, ता. ९ ः राष्ट्रीय पातळीवर राबविण्यात येणाऱ्या भाजपच्या पर्यावरण दिनानिमित्त ‘एक झाड मातृभूमीसाठी’ या कार्यक्रमाच्या माध्यमातून संदीप गावडे यांच्या आयोजनातून रविवारी (ता. ८) ‘फ्लॉवर व्हॅली अॅट कावळेसाद पॉईंट’ या कार्यक्रमाचे आयोजन करण्यात आले.
या कार्यक्रमांतर्गत गेळे येथे कवळेसाद पॉईंट तसेच तेथे जाणाऱ्या रस्त्याच्या दुतर्फा सुमारे १०० झाडे लावण्यात आली. भाजपचे जिल्हाध्यक्ष प्रभाकर सावंत यांच्या प्रमुख उपस्थितीत हा कार्यक्रम पार पडला. यावेळी भाजप महिला अध्यक्षा श्वेता कोरगावकर, माजी पंचायत समिती सदस्य संदीप गावडे, रवींद्र मडगावकर, आंबोली सरपंच सावित्री पालेकर, गेळे सरपंच सागर ढोकरे, माजी नगरसेवक मनोज नाईक आदींसह पर्यावरणप्रेमी, सामाजिक कार्यकर्ते, भाजपर्टीचे सावंतवाडी तालुक्यातील कार्यकर्ते, आंबोली, गेळे, चौकुळ येथील ग्रामस्थ उपस्थित होते.