आचऱ्यात महिलांकडून वृटवृक्षाचा वाढदिवस
69549
आचऱ्यात महिलांकडून
वृटवृक्षाचा वाढदिवस
सकाळ वृत्तसेवा
आचरा, ता. १० ः रस्तारुंदी करणात कोसळलेल्या वटवृक्षाच्या जागी गेल्या वर्षी वटपौर्णिमेच्या पूर्वसंध्येला लागवड केलेल्या वटवृक्षाचा वाढदिवस साजरा करत आचरा डोंगरेवाडी ग्रामस्थांनी पर्यावरण संवर्धनाचा संदेश दिला. यावेळी कडूनिंबाच्या वृक्षांचीही लागवड केली गेली.
डोंगरेवाडी येथील पर्यावरणप्रेमी रवींद्र बागवे आणि सहकाऱ्यांनी गेल्यावर्षी वटपौर्णिमेच्या पूर्वसंध्येला वटवृक्षाची लागवड केली होती. एक वर्षानंतर आज वटपौर्णिमेच्या आदल्या दिवशी ग्रामस्थांनी एकत्र येत या वटवृक्षाचा वाढदिवस साजरा केला. यावेळी पर्यावरणात महत्त्वाच्या कडूनिंबाच्या रोपांचीही लागवड केली. यावेळी रिद्धी बागवे, श्रद्धा दुखंडे एकता राणे, सरिता राणे, श्रद्धा बागवे, सविता आचरेकर, प्रगती आचरेकर, सायली राणे, सृष्टी राणे, कार्तिकी राणे, पूनम दुखंडे, गौरवी बागवे, मृगेश बागवे, प्रथमेश आचरेकर, साहिल बागवे, जय बागवे, शैलेंद्र राणे, मिलिंद आचरेकर, रवींद्र बागवे आदी सहभागी झाले. डोंगरेवाडी ग्रामस्थांचा अनोखा उपक्रम पर्यावरण संवर्धनाचा संदेश देत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.