अध्यात्मिक गुरूकूलाचे उद्या लोटे येथे उद्घाटन

आध्यात्मिक गुरूकुलचे उद्या लोटेत
उद्‍घाटन ः कोकरे महाराज
सकाळ वृत्तसेवा
चिपळूण, ता. १० ः श्री संत ज्ञानेश्वर माऊली जीवनमुक्ती धाम सेवा संस्थान यांच्यावतीने लोटे परशुराम येथे आध्यात्मिक वारकरी गुरूकुलाचे उद्‍घाटन १२ जूनला होणार आहे. पुरूषोत्तम महाराज मोरे व माणिक महाराज मोरे तसेच प्रसिद्ध उद्योजक कैलासशेठ नंदा यांच्या उपस्थितीत हा कार्यक्रम होईल. या संस्थेच्या माध्यमातून अनाथ, निराधार, आर्थिकदृष्ट्या दुर्बल घटकातील विद्यार्थ्यांना मोफत शिक्षण दिले जाणार आहे, अशी माहिती संस्थेचे अध्यक्ष कोकरे हाराज यांनी पत्रकारांना दिली.
संस्थेतर्फे लोटे येथे गोशाळा चालवली जाते. या संस्थेच्या माध्यमातून आध्यात्मिक वारकरी गुरूकुल सुरू केले जात आहे. या निमित्त १२ ला सकाळी ८ वाजता गणेशपूजन व श्री सत्यनारायण पूजा होईल. सकाळी १० वाजता दादा महाराज मोरे (कोल्हापूर) यांचे कीर्तन होईल. दुपारी १२ वाजता उद्‍घाटन होणार आहे. दुपारी महाप्रसाद, ४ वाजता वारकरी भजन, सायंकाळी ६ वाजता हरिपाठ होईल. या वेळी महाराष्ट्र वारकरी महामंडळाचे संपर्क प्रमुख जालिंदर काळोखे पाटील, विजय जगताप, रूपेश राजेशिर्के, भागवत महाराज भारती, ज्ञानेश शिगवण, प्रकाश सोलकर, विष्णू सोलकर, किशोर चौगुले, ज्ञानेश्वर रामाणे, राजेंद्र राजेशिर्के, गणपत येसरे, पांडुरंग रेवाळे, शिवाजी पालांडे, दत्ताराम आंब्रे, शशिकांत महाडीक, मोघरे गुरूजी आदी वारकरी सांप्रदायातील महाराज उपस्थित राहणार आहेत.