पालीत शिवराज्याभिषेक सोहळा

फोटो ओळी
-rat10p1.jpg-
पाली ः पालीत शिवराज्याभिषेक सोहळा साजरा करताना शिवभक्त.

पालीत शिवराज्याभिषेक सोहळा
पाली ः छत्रपती शिवाजी महाराज की जय, जय भवानी जय शिवाजी, असा जयजयकार करत तालुक्यातील पाली तिठा येथे ३५२ वा शिवराज्याभिषेक सोहळा साजरा करण्यात आला. दुग्धाभिषेक, शिवपूजन करून श्री शिवराजे यांना पुष्पमाला अर्पण करण्यात आली. श्री शिवछत्रपतींना दुग्धाभिषेक करून शिवपूजन करण्यात आले. या वेळी पाली बाजारपेठ व्यापारी संघाचे अध्यक्ष विश्वास सावंत, रमेश तेंडुलकर, सदानंद पोवार, स्वप्नील सावंत, शेखर सुर्वे, उमेश सावंत आदी उपस्थित होते.

खेड बौद्ध समाजसेवा संघातर्फे पर्यावरण दिन
खेड ः तालुका बौद्ध समाजसेवा संघांतर्गत गट क्र. १ च्यावतीने शहरातील नालंदा बुद्धविहारात पर्यावरण दिन साजरा करण्यात आला. पदवीधर शिक्षक संघटनेचे जिल्हाध्यक्ष अनंत मोहिते व त्यांची पत्नी अनुष्का मोहिते यांनी गटासाठी २५ वृक्षांची भेट दिली. संघाचे माजी तालुकाध्यक्ष रवी जाधव उपस्थित होते. या वेळी गट क्र. १ अंतर्गत येणाऱ्या खेड, चाकाळे, कोळकेवाडी, चिंचघर, सुसेरी नं. १ गावांना प्रत्येकी ५ वृक्षांचे वाटप करण्यात आले.

कोकरे गटात विद्यार्थ्यांना स्कूल बॅग
सावर्डे ः संगमेश्वर तालुक्यातील आरवली येथील श्रमिक कृषी संवर्धन संस्थेच्यावतीने दहावी, बारावी व पदवी परीक्षेत यशस्वी झालेल्या कोकरे (ता. चिपळूण) जिल्हा परिषद गटातील ८५ विद्यार्थ्यांना स्कूलबॅग व फाईल फोल्डर देऊन सन्मानित करण्यात आले. या वेळी सुभाष नारकर, यशवंत भागडे, अशोक काजरोळकर, संजय कदम, उदय कळंबे, अनंत शिगवण, दशरथ बांबाडे, शैलेश खापरे आदी उपस्थित होते. हा सोहळा असुर्डेतील वसंत शंकर देसाई माध्यमिक विद्यालयात झाला.