कणकवली : बौद्धमहासभा प्रशिक्षण शिबिर

फोटो ः kan111.jpg
69798
कणकवली ः येथील नगरवाचनालयाच्या सभागृहात बौद्धमहासभेचे प्रशिक्षण शिबिर झाले. यात जिल्ह्यातील बौद्ध बांधव उपस्थित होते.

अंधश्रद्धा निर्मुलनाच्या कार्यासाठी पुढाकार घ्‍या
डॉ. एस. एस. वानखेडेः कणकवलीत बौद्ध महासभेचे प्रशिक्षण शिबिर
कणकवली, ता. ११ः समाजामध्ये अंधश्रद्धा वाढत आहे. या अंधश्रद्धा निर्मूलन करण्याचे काम भारतीय बौद्ध महासभेच्या कार्यकर्त्यांनी करावे. त्‍यासाठी गावोगावी वाडीवस्तांवर अंद्धश्रद्धा निर्मूलनासाठी शिबिर घेतली पाहिजेत. शिक्षित तसेच अशिक्षित लोकांच्या मनात व डोक्यात अंधश्रद्धा भरलेली असून त्‍या दूर करण्यासाठी कार्यकर्त्यांनी पुढाकार घ्यावा असे आवाहन भारतीय बौद्ध महासभेच्या केंद्रीय प्रशिक्षण विभागाचे प्रमुख अ‍ॅड. डॉ. एस. एस .वानखडे यांनी केले.
भारतीय बौद्ध महासभेच्या सिंधुदुर्ग शाखेतर्फे येथील नगरवाचनालयाच्या बहुउद्देशीय सभागृहात व्यक्तिमत्त्व विकास शिबिर झाले. याचे उद्घाटन अ‍ॅड. वानखडे आणि भारतीय बौद्ध महासभेचे राष्ट्रीय सचिव बी. एच. गायकवाड यांनी केले. यावेळी जिल्हाध्यक्ष आनंद कासार्डेकर, महिला विभागाच्या जिल्हाध्यक्षा प्रा. सुषमा हरकुळकर, जिल्हा सरचिटणीस संजय पेंडुरकर, माजी राष्‍ट्रीय सचिव प्रभाकर जाधव, जिल्हा कोषाध्यक्ष शिवप्रसाद चौकेकर, उपाध्यक्ष आर. डी. चेंदवणकर, संरक्षण उपाध्यक्ष दिलीप तरंदळेकर, मुंबई शाखेचे अध्यक्ष श्रीकांत कदम, माजी संघटक विजय जाधव, महिला सचिव अपूर्वा पवार, केंद्रीय शिक्षक विजय हरकुळकर, सचिव विलास वळंजू, अजय कदम, जनीकुमार कांबळे, विश्वनाथ कदम, पं.ध. माणगावकर, माजी महिला अध्यक्षा सुनीता कांबळे, श्रद्धा कदम, दीपक कांबळे, गुणाजी जाधव, महेंद्र कदम, इजि. अनिल जाधव, आर. डी. कदम, तालुकाध्यक्ष भाई जाधव, रविकांत कदम, सुभाष जाधव, विजय नेमळेकर, निलेश वर्देकर, चंद्रकांत म्हापणकर, दि बुद्धिष्ट फेडरेशन ऑफ सिंधुदुर्गचे अध्यक्ष श्यामसुंदर जाधव, संदीप कदम, रवींद्र पवार, विद्याधर कदम आदी उपस्थित होते.
ॲड.गायकवाड म्‍हणाले, नैतिकता हा बौद्ध समाजाचा सिद्धांत आहेत. हा सिद्धांत भारतीय बौद्ध महासभेच्या पदाधिकारी व कार्यकर्त्यांनी जोपासला पाहिजे. वस्तू आपली नसेल तर त्याला हात लावू नये, हे कार्यकर्त्यांनी ध्यानात ठेवले पाहिजे. भारतीय बौद्ध महासभेच्या कार्यकर्त्यांनी नेतृत्व विकसित केले पाहिजे, हे नेतृत्व विकसिक करताना ज्ञान व प्रज्ञावान होणे गरजेचे आहे. सूत्रसंचालन संजय पेंडुरकर यांनी केले.