विद्यार्थ्यांनी गिरवले कलेचे विविध धडे

विद्यार्थ्यांनी गिरवले कलेचे धडे
जोशी ट्रस्ट ; दरवर्षी कार्यशाळेचे आयोजन
सकाळ वृत्तसेवा
चिपळूण, ता. ११ ः विद्यार्थ्यांमधील अंगभूत सुप्त कलागुणांचा विकास करण्याच्या हेतूने सावर्डे येथील श्री विठ्ठलराव जोशी चॅरिटीज् ट्रस्ट इंग्लिश मीडियम स्कूलमध्ये आयोजित कार्यशाळेत यंदा पहिली ते नववीच्या विद्यार्थ्यांनी विविध प्रकारच्या कलाकृती बनवून नवनिर्मितीचा आनंद घेतला.
शाळेमध्ये आयोजित कार्यशाळेत विद्यार्थ्यांनी निसर्ग, कार्टून अशा विविध प्रकारांमध्ये रेखाटन व रंगकाम, थंबआर्ट (बोटांच्या प्रिंट), वारली चित्र, विविध विषयांवर भित्तचित्रे, कागदी फुले, मास्क मेकिंग, ओरिगामी प्रकारातील विविध आकृत्या, स्टोन पेंटिंग, मोझाईक पेंटिंग, क्नाईफ पेंटिंग, स्क्रीन प्रिंट मेकिंग, मोनोप्रिंट, लहान-मोठ्या आकारांमध्ये पेपरबॅग, आकाशकंदील निर्मिती, पिस्ता शेल्सपासून चित्रनिर्मिती, कोलाज, टाकाऊ घटकांपासून तसेच कागदी फुलांपासून फ्लॉवरपॉट, पणत्या तसेच इतर सुशोभीकरणाच्या कलाकृती तयार केल्या. या कार्यशाळेमध्ये कलाकृतीच्या सुशोभीकरणासाठी लागणारे विविध साहित्य हे शाळेमार्फत विद्यार्थ्यांना पुरवण्यात आले. शाळेची माजी विद्यार्थिनी मैथिली सुवारे हिने प्रशिक्षण दिले.