हर्षल काटदरेंना नटश्रेष्ठ बालगंधर्व संस्थेचा पुरस्कार

-rat१२p१७.jpg-
२५N७००८६
हर्षल काटकरे
----------
नटश्रेष्ठ बालगंधर्व संस्थेचा
हर्षल काटदरे यांना पुरस्कार
सकाळ वृत्तसेवा
चिपळूण, ता. १२ ः चिपळूण येथील सुप्रसिद्ध संवादिनी (हार्मोनियम) वादक हर्षल काटदरे यांना यावर्षीचा प्रतिष्ठेचा नटश्रेष्ठ बालगंधर्व संस्थेचा ‘खाऊवाले पाटणकर’ पुरस्कार जाहीर झाला आहे. संगीतक्षेत्रातील उल्लेखनीय कार्यासाठी दिला जाणारा हा पुरस्कार बालगंधर्व यांच्या पुण्यतिथीदिनी १५ जुलैला पुणे येथील बालगंधर्व रंगमंदिरात प्रदान करण्यात येणार आहे.
बालगंधर्व यांच्या स्मृतीला उजाळा देण्यासाठी त्यांच्या नातेवाईक व हितचिंतकांच्या पुढाकाराने स्थापन झालेल्या संस्थेतर्फे दरवर्षी संगीतक्षेत्रातील मान्यवरांना गौरवण्यात येते. गतवर्षी हा पुरस्कार चिपळूणचेच स्वराधिराज राजाभाऊ शेंबेकर तसेच प्रसिद्ध गायक महेश काळे यांना प्रदान करण्यात आला होता. काटदरे यांनी संवादिनी वादनाचे प्राथमिक शिक्षण त्यांचे वडील प्रसाद काटदरे व राजाभाऊ शेंबेकर यांच्याकडून घेतले. त्यानंतर पं. विश्वनाथ कान्हेरे व पं. प्रमोद मराठे यांच्याकडे वादनाचे सखोल मार्गदर्शन घेतले. त्यांनी पुणे विद्यापीठातून संगीत विषयात बीए तर शिवाजी विद्यापीठातून एमए पदवी प्राप्त केली.
या प्रसंगी काटदरे म्हणाले, माझ्या यशाचे श्रेय माझे आई-वडील, सर्व गुरुजन व श्री अक्कलकोट स्वामी समर्थ मठ, मार्कंडी (चिपळूण) यांचे आहे. बालपणापासून मठातील भजनसेवेमुळेच संगीताची गोडी लागली आणि संवादिनीशी माझे नाते निर्माण झाले.