तोंडवलीत ३८ विद्यार्थ्यांचे रक्तदान

तोंडवलीत ३८ विद्यार्थ्यांचे रक्तदान
नर्सिंग कॉलेजचा उपक्रमः रक्तदात्यांचा प्रमाणपत्र देऊन सन्मान
सकाळ वृत्तसेवा
नांदगाव, ता. १२ः सिंधुदुर्ग एज्युकेशन सोसायटी तोंडवली संचलित श्री सरस्वती कॉलेज ऑफ नर्सिंग बीएससी, जीएनएम, आरएएनएम यांच्या वतीने जिल्हा रुग्णालय ओरोस यांच्या सहकार्याने घेण्यात आलेल्या रक्तदान शिबिरास उत्स्फूर्त प्रतिसाद मिळाला. या शिबिरात ३८ रक्तदात्यांनी रक्तदान केले.
कणकवली तालुक्यातील तोंडवली नर्सिंग कॉलेजमध्ये रक्तदान शिबिराचे आयोजन केले होते. या शिबिराला विद्यार्थ्यांनी भरभरून प्रतिसाद देत रक्तदान केले. सिंधुदुर्ग जिल्हा रुग्णालय ओरोसचे वैद्यकीय अधिकारी डॉ. स्वप्नील चव्हाण यांच्या प्रमुख उपस्थितीत हे शिबिर घेण्यात आले. यावेळी प्राचार्या शकुंतला नागराज, प्राध्यापक सागर भोसले, अधिपरिचारिका प्रांजली परब, समाजसेवा अधिकारी धनपाल इंगोले, रक्तपेढी तंत्रज्ञ मयुरी शिंदे, सहायक तंत्रज्ञ ऋतुजा हरमलकर, परिचर विजय निरुखेकर, नितीन गावकर, धनराज खरात, रोहन सूर्यगंध, उमेश वडर आदी उपस्थित होते. या रक्तदान शिबिरास बीएससी, जीएनएम, आरएएनएम, फार्मसी, कृषी महाविद्यालय तोंडवलीच्या विद्यार्थ्यांनी रक्तदान केले.
सर्व रक्तदात्यांना प्रमाणपत्र देऊन सन्मानित करण्यात आले. शिबिरास उपस्थित जिल्हा रुग्णालय ओरोसचे अधिकारी व कर्मचारी यांचे गुलाब पुष्प देऊन नर्सिंग कॉलेजच्या वतीने स्वागत करण्यात आले. या रक्तदान शिबिरास दिलेल्या सहकार्याबद्दल विद्यार्थिनी साक्षी गवस हिने सर्वांच्या वतीने आभार मानले.