देवरुखात रविवारी शिक्षण संस्था महामंडळाचे अधिवेशन

शिक्षणसंस्था महामंडळाचे
देवरुखात रविवारी अधिवेशन
सकाळ वृत्तसेवा
साडवली, ता. १२ : महाराष्ट्र राज्य शिक्षणसंस्था महामंडळाचे ३६वे एकदिवसीय राज्यस्तरीय अधिवेशन कोकण विभागात प्रथमच १५ जूनला सकाळी ११ वाजता देवरूख येथील आठल्ये महाविद्यालयात होणार आहे. या वेळी पालकमंत्री उदय सामंत, शिक्षण मंत्री दादा भुसे, महाराष्ट्र राज्य शिक्षणसंस्था महामंडळाच्या अध्यक्षा खासदार सुप्रिया सुळे उपस्थित राहणार आहेत. शिक्षणसंस्थांचे संघटन मजबूत करण्यासाठी शिक्षणसंस्थांच्या कार्याची प्रतिष्ठा जपण्यासाठी तसेच त्यांचे प्रश्न शासनदरबारी मांडून शिक्षणक्षेत्रातील सर्वच घटकांना सोबत घेऊन शिक्षणाचा प्रसार व शैक्षणिक गुणवत्तावाढीसाठी हे अधिवेशन मैलाचा दगड ठरेल. महामंडळाच्या मागील सर्व अधिवेशनातून शैक्षणिक व विधायक कामाची श्रृंखला निर्माण होत गेली. ती मजबूत करण्यासाठी या अधिवेशनाची भूमिका महत्त्वाची ठरणार आहे.