जिल्ह्यात आज, उद्या रेड अलर्ट

जिल्ह्यात आज, उद्या रेड अलर्ट
सकाळ वृत्तसेवा
रत्नागिरी, ता. १२ ः प्रादेशिक हवामान विभागाने रत्नागिरी जिल्ह्यासाठी शुक्रवार (ता. १३) आणि १४ जूनला रेड अलर्ट दिला आहे. काही ठिकाणी मुसळधार ते अतिमुसळधार आणि विजांच्या कडकडाटासह पाऊस व वादळी वारे वाहण्याची शक्यता आहे. १५ व १६ जूनला जिल्ह्यासाठी ऑरेंज अलर्ट देण्यात आला असून, या कालावधीत जिल्ह्यात मुसळधार ते अतिमुसळधार पावसाची शक्यता वर्तवण्यात आली आहे. हवामान विभागाकडून दिलेल्या इशाऱ्याच्या पार्श्वभूमीवर, नागरिकांनी जीवित व मालमत्तेची काळजी घ्यावी, असे आवाहन जिल्हा प्रशासनाकडून करण्यात आले आहे. जिल्ह्यात आज सकाळपासून पावसाचा जोर आहे. दिवसभर सूर्यदर्शन झाले नाही. त्यामुळे शेतकऱ्यांमध्ये आनंदाचे वातावरण आहे.