बघेल यांचा सत्कार

rat13p13.
25N70330
चिपळूण - प्रज्ञा बघेल-चितळे यांचा सत्कार करताना मोहन मिरगल.
----
सर्वोच्य न्यायायल बारच्या सचिव बघेल-चितळे यांचा सन्मान
चिपळूण अर्बन बँकेतर्फे आयोजन ; चिपळूणवासीयांकडून कौतुक
सकाळ वृत्तसेवा
चिपळूण, ता. १३ : सर्वोच्च न्यायालयाच्या (सुप्रीम कोर्ट) बार असोसिएशनच्या सचिवपदी नुकत्याच निवड झालेल्या अॅड. प्रज्ञा बघेल-चितळे यांचा चिपळूण अर्बन को-ऑप. बँकेच्यावतीने सन्मान करण्यात आला. आपल्या कार्यकुशलतेने व कायद्याच्या क्षेत्रातील भक्कम योगदानामुळे त्या सुप्रीम कोर्ट बार असोसिएशनच्या इतिहासात गेल्या ७५ वर्षांत सचिवपदी निवड झालेल्या चौथ्या महिला ठरल्या आहेत.
अॅड. चितळे या चिपळूण येथील प्रसिद्ध वकील अॅड. अमोल चितळे यांच्या पत्नी आहेत. त्यामुळे त्यांचे मूळ गावही चिपळूणच आहे. त्यांच्या या ऐतिहासिक निवडीबद्दल चिपळूणवासियांमध्ये अभिमानाचे वातावरण आहे.
चिपळूण अर्बन बँकेत आयोजित सत्कार समारंभात बँकेचे अध्यक्ष मोहन मिरगल, बोर्ड ऑफ मॅनेजमेंटचे अध्यक्ष सतीश अप्पा खेडेकर, तज्ज्ञ संचालक अॅड. दिलीप दळी, संचालक निहार गुढेकर, सीए. विवेक रेळेकर, सुनील खेडेकर, रत्नदीप देवळेकर, अधिकारी संजय कामेरकर, अपर्णा चितळे, अमित चितळे आदी मान्यवर उपस्थित होते.
बँकेच्यावतीने त्यांचा सत्कार करण्यात आला. त्यांना मान्यवरांनी शुभेच्छा दिल्या. यावेळी सभासदरांसह, वकीलवर्गही उपस्थित होता. सत्काराला उत्तर देताना ॲड. चितळे म्हणाल्या, चिपळूणची माती आणि इथल्या लोकांचे प्रेम हीच माझी खरी शक्ती आहे. बँकेच्या या सन्मानामुळे अधिक जबाबदारीची जाणीव झाली आहे.