संगमेश्वर- निढळेवाडी येथे चौपदरीकरणाचा रस्ता खचला

संगमेश्वरजवळ निढळेवाडी येथे
चौपदरीकरणाचा रस्ता खचला
संगमेश्वर, ता. १३ ः निढळेवाडी येथील चौपदरीकरणादरम्यान रस्त्यालगत साचलेला मातीचा ढिगारा खचल्यामुळे चौपदरीकरणाचा रस्तादेखील खचण्याची भीती व्यक्त केली जात आहे.
या ठिकाणी योग्य ती संरक्षण भिंत उभारण्यात आली नसल्यामुळे माती सरकली आणि त्यामुळे संपूर्ण रस्ता खचण्याची शक्यता आहे. या प्रकारामुळे वाहतूक ठप्प होण्याची तसेच मोठे अपघात घडण्याची शक्यता निर्माण झाली आहे. स्थानिक नागरिकांनी आणि प्रवाशांनी याकडे लक्ष वेधले असून, संबंधित बांधकाम विभागाने तातडीने या प्रकरणात हस्तक्षेप करून योग्य ती उपाययोजना करावी, अशी मागणी होत आहे. विशेषतः, संरक्षक भिंतीचे काम तातडीने सुरू करणे आणि खचलेल्या रस्त्याची डागडुजी करणे गरजेचे ठरत आहे. प्रभावित भागात प्रवास करणाऱ्या नागरिकांनी काळजी घ्यावी आणि प्रशासनाने तत्काळ योग्य ती कार्यवाही करावी, अशी मागणी होत आहे.