कन्हैया प्ले स्कुलमधील मुले वापरणार संगणक

rat१३p२८.jpg-
P25N70414
गुहागर -नवीन तंत्रज्ञानाचा उपयोग म्हणून साहिल आरेकर कन्हैया प्ले स्कूलमधील बालगोपालांना संगणक प्रशिक्षण देणार.
-------------
कन्हैया प्ले स्कूलमधील
मुले वापरणार संगणक
गुहागर, ता. १४ : लोकनेते स्व. सदानंद आरेकर प्रतिष्ठान, गुहागर संचलित कन्हैया प्ले स्कूलतर्फे बालगोपाळांना संगणक प्रशिक्षण देण्यात येणार आहे. नावीन्यपूर्ण कल्पना राबवणारे या संस्थेचे संस्थापक संचालक साहिल आरेकर यांनी यापूर्वी आपल्या प्ले स्कूलसाठी स्वतंत्र अभ्यासक्रमही निश्चित केला आहे.
लहान मुले सहजपणे स्मार्ट फोन वापरतात, हे लक्षात घेऊन नवीन तंत्रज्ञानाचा उपयोग आरेकर यांनी आपल्या कन्हैया प्ले स्कूलमध्ये केला आहे. लहान मुलांना इंग्रजी अक्षरांची, संख्यांची माहिती व्हावी म्हणून विशेष संगणक बाजारात उपलब्ध आहेत. लॅपटॉपसारख्या दिसणाऱ्या या संगणकांमध्ये इंग्रजी अक्षरे व संख्यांची ओळख करून देणारे खेळ आहेत. त्याचबरोबर संगीताचा आनंदही विद्यार्थ्यांना मिळतो. ही सुविधा प्ले स्कूलमध्ये उपलब्ध करून देणारे कन्हैया प्ले स्कूल हे तालुक्यातील पहिले प्ले स्कूल ठरले आहे.