९० किमी मॅरेथॉन धावणारे प्रसाद देवस्थळी यांचे स्वागत

rat१३p३८.jpg-
२५N७०४६२
प्रसाद देवस्थळी यांचे स्वागत करताना माजी नगराध्यक्ष बंड्या साळवी. सोबत राहुल पंडित, संदीप तावडे, महेश सावंत, डॉ. नितीन सनगर, तेजा देवस्थळी, आशिष पावसकर. दुसऱ्या छायाचित्रात भारतीय झेंडा फडकवताना प्रसाद देवस्थळी.
---
‘कोकण कोस्टल मॅरेथॉन’मध्ये सर्वांनी सहभाग घ्या
प्रसाद देवस्थळी ः रत्नागिरीत जंगी स्वागत, क्रीडाप्रेमींची उपस्थिती
सकाळ वृत्तसेवा
रत्नागिरी, ता. १४ : आफ्रिकेतील मॅरेथॉनमध्ये २२ हजार स्पर्धक धावतात. त्यात १६ हजार आफ्रिकेतील असतात. त्यामुळे ही स्पर्धा यशस्वी होते. आपणही कोकणात कोकण कोस्टल हाफ मॅरेथॉन आयोजित करतो. ती यशस्वी करण्यासाठी प्रत्येक घरातील एका व्यक्तीने धावायला पाहिजे तसेच परदेशांतूनही अनेक धावपटू या स्पर्धेसाठी नक्कीच येतील, असा आशावाद दक्षिण आफ्रिकेतील कॉम्रेड्स मॅरेथॉन पूर्ण करून रत्नागिरीत परत आलेल्या धावपटू प्रसाद देवस्थळी यानी केले.
सुवर्णसूर्य फाउंडेशनचे संस्थापक प्रसाद देवस्थळी यांचे साळवीस्टॉप येथे स्वागत करण्यात आले. त्याप्रसंगी ते बोलत होते. रत्नागिरी सायकलिस्ट क्लब, कोकण कोस्टल मॅरेथॉन, गणपतीपुळे अल्ट्रा मॅरेथॉनची टीम आणि रत्नागिरीकरांच्यावतीने याचे आयोजन केले. विमान अपघात व मृत्युमुखी पडलेल्या प्रवाशांना श्रद्धांजली वाहून व स्वागताची दुचाकी रॅली रद्द करून रत्नागिरीकरांनी समाजभान राखले.
साळवीस्टॉप येथे शहराच्या प्रवेशद्वारापाशी अॅथलेटिक्स असोसिएशनचे पदाधिकारी संदीप तावडे, रत्नागिरीचे माजी नगराध्यक्ष राहुल पंडित, माजी नगराध्यक्ष बंड्याशेठ साळवी, हॉटेल असोसिएशनचे उदय लोध यांनी प्रसादचे अभिनंदन केले. यावेळी देवस्थळी म्हणाले, देशातील विविध ठिकाणच्या मॅरेथॉनमध्ये भाग घेऊन त्या अनुभवाच्या आधारे व प्रशिक्षक दादा सत्रे यांचे मार्गदर्शन घेऊन मी कॉम्रेड्स मॅरेथॉन पूर्ण केली. रत्नागिरी सायकलिस्ट क्लब, मॅरेथॉनच्या टीमने केलेले स्वागत भारावून टाकणारे आहे.