केरवाडा मच्छीमार सोसायटी अध्यक्षपदी काशिनाथ नार्वेकर

70566

केरवाडा मच्छीमार सोसायटी
अध्यक्षपदी काशिनाथ नार्वेकर

सकाळ वृत्तसेवा
वेंगुर्ले, ता. १४ : शिरोडा-केरवाडा येथील मच्छीमार सहकारी सोसायटीच्या अध्यक्षपदी पुन्हा काशिनाथ नार्वेकर तर उपाध्यक्षपदी दिलीप नाईक यांची बिनविरोध निवड करण्यात आली. यावेळी नवनिर्वाचित पदाधिकाऱ्यांचा संचालकांतर्फे सत्कार करण्यात आला.
केरवाडा मच्छीमार सहकारी सोसायटीची ३० मे रोजी निवडणूक झाली होती. या निवडणुकीत शिवसेना पुरस्कृत मच्छीमार हितवर्धक सहकारी पॅनेलचा एकतर्फी विजय झाला होता. आज अध्यक्ष व उपाध्यक्षांची निवड करण्यात आली. तातोबा चोपडेकर व रवी पेडणेकर यांच्या हस्ते अध्यक्ष नार्वेकर व उपाध्यक्ष नाईक यांचा सत्कार करण्यात आला. यावेळी शासकीय अधिकारी प्रशांत साळगावकर व संचालक संजय उगवेकर, आत्माराम साळगावकर, पुंडलिक कुबल, प्रकाश नार्वेकर, नारायण लोणे, दिगंबर तांडेल, मयुरेश तारी, सारिका नाईक, शिल्पा चोपडेकर, अन्विता नार्वेकर, ग्रामस्थ सुनील साळगावकर, बाबा नाईक, लक्ष्मण तांडेल, प्रथमेश बांदेकर आदी उपस्थित होते. नूतन पदाधिकाऱ्यांचे आमदार दीपक केसरकर, शिवसेना जिल्हाप्रमुख संजू परब, जिल्हा समन्वयक सचिन वालावलकर व तालुकाप्रमुख नितीन मांजरेकर यांनी अभिनंदन केले.