म्हापणमधील महिलेवर दारू विक्रीप्रकरणी गुन्हा

म्हापणमधील महिलेवर
दारू विक्रीप्रकरणी गुन्हा

म्हापण, ता. १४ ः येथील बाजारपेठेमध्ये चालू असलेल्या अवैध दारू धंद्यावर निवती पोलिसांनी छापा टाकत कारवाई केली. यात अवैध दारू विक्री केल्याप्रकरणी निलांबरी वासुदेव म्हापणकर (वय ३७) हिला ताब्यात घेऊन गुन्हा दाखल करण्यात आला. निवती पोलिसांनी केलेल्या कारवाईत एकूण ४४०० रुपयांचा मुद्देमाल जप्त करण्यात आला. काही महिन्यांपूर्वी राज्य उत्पादन शुल्क विभागाने छापा टाकत ३ लाख ७५ हजार रुपयांचा मुद्देमाल जप्त केला होता. यात एकावर कारवाई करण्यात आली होती. मात्र, या कारवाईला न जुमानता राजरोसपणे अवैध दारू धंदा सुरू ठेवण्यात आला होता. निवती पोलिसांच्या या कारवाईबद्दल ग्रामस्थांमधून समाधान व्यक्त करण्यात येत आहे.