चिपळूण ः आमदार निकम-शरद पवार भेटीची जोरदार चर्चा

चिपळूण ः आमदार निकम-शरद पवार भेटीची जोरदार चर्चा

Published on

-ratchl१४२.jpg
70608
चिपळूण ः शरद पवार यांची भेट घेताना आमदार शेखर निकम.

शरद पवार-आमदार निकम भेटीची चर्चा
दोन्ही पवार एकत्र आल्यास आनंदच ; ‘एआय सेंटर’बाबत चर्चेचे स्पष्टीकरण
सकाळ वृत्तसेवा
चिपळूण, ता. १४ ः राष्ट्रवादी काँग्रेस अजित पवार गटाचे आमदार शेखर निकम यांनी शनिवारी राष्ट्रवादी शरदचंद्र पवार पक्षाचे अध्यक्ष शरद पवार यांची भेट घेतल्याने राजकीय वर्तुळात जोरदार खळबळ उडाली आहे. शरद पवार व अजित पवार हे एकत्र आल्यास आनंदच होईल, असे विधानही आमदार निकम यांनी केल्याने चर्चेला रंगत आली आहे. मात्र ही भेट राजकीय स्वरूपाची नसून, कोकणात अत्याधुनिक कृषी तंत्रज्ञानासाठी एआय सेंटर स्थापनेचा प्रस्ताव सादर करण्याबाबत होती, असे श्री. निकम यांनी स्पष्ट केले आहे.
कोकणातील कृषी विकासाला आधुनिक तंत्रज्ञानाची जोड देण्यासाठी रत्नागिरी व सिंधुदुर्ग जिल्ह्यांत एआय (आर्टिफिशियल इंटेलिजन्स) सेंटर स्थापन करण्याचा प्रस्ताव सध्या चर्चेच्या केंद्रस्थानी आहे. याच पार्श्वभूमीवर माजी केंद्रीय कृषिमंत्री व ज्येष्ठ नेते शरद पवार यांनी आमदार शेखर निकम यांना विशेष चर्चेसाठी निमंत्रित केले होते. या बैठकीत शरद पवार व आमदार निकम यांच्यात कोकणातील पारंपरिक शेतीपद्धती, नवनवीन तंत्रज्ञानाचा वापर, हवामानानुसार पीकपद्धती, शाश्वत शेती आणि युवांना कृषी क्षेत्रात आकर्षित करण्यासाठी एआयच्या साहाय्याने उभारणी होणाऱ्या नव्या प्रकल्पांबाबत सखोल चर्चा झाली.
शेखर निकम यांनी कोकणातील स्थानिक शेती अडचणी, जमिनीचा भूगोल, कोकणात पावसाळ्यामुळे होणारी आव्हाने आणि बाजारपेठेतील दुराव्याचे प्रश्न मांडले. यावर उत्तर देताना शरद पवार यांनी कृषी तंत्रज्ञान, डाटा विश्लेषण, हवामान अंदाज, पीक संरक्षण, रोबोटिक्स, ड्रोन वापर अशा विविध संकल्पनांची माहिती दिली. या चर्चेचा पुढील टप्पा म्हणून रत्नागिरी व सिंधुदुर्ग जिल्ह्यातील कृषी संशोधन संस्था, स्थानिक विद्यापिठे व तंत्रज्ञान कंपन्यांच्या सहभागाने लवकरच एक विशेष समिती स्थापन करण्यात येणार आहे. कोकणात अत्याधुनिक एआय सेंटर उभारणीसाठी संभाव्य ठिकाणांची पाहणी व अभ्यास केला जाणार आहे. या घडामोडीमुळे कोकणात आधुनिक कृषिक्रांतीचा नवा अध्याय सुरू होण्याची चिन्हे दिसू लागली आहेत. शेखर निकम यांनीही अशा उपक्रमांना पूर्ण सहकार्य देण्याची ग्वाही दिली.
---

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com