मुंढेमध्ये रस्त्याच्या दोन्ही बाजूला वृक्षलागवड

-ratchl१४३.jpg -
२५N७०६१४
चिपळूण ः मुंढे येथे वृक्षारोपणाप्रसंगी सरपंच व पदाधिकारी.
----
मुंढेत रस्त्याच्या बाजूला वृक्षलागवड
बिहार पॅटर्न ; माझी वसुंधरा अभियान
सकाळ वृत्तसेवा
चिपळूण, ता. १४ ः तालुक्यातील मुंढेतर्फे चिपळूण ग्रामपंचायतीच्यावतीने माझी वसुंधरा अभियान तसेच बिहार पॅटर्न वृक्ष लागवड उपक्रम राबवण्यात येत आहे. या माध्यमातून मुंढे तळसर रस्त्याच्या दोन्ही बाजूस ग्रामस्थांच्या उपस्थितीत वृक्ष लागवड करण्यात आली. बिहार पॅटर्नच्या माध्यमातून येथील ग्रामस्थांना रोजगाराची साधने निर्माण झाली आहेत.
वृक्षसंपदा वाढण्यासाठी पंचतत्त्वांच्या आधारे माझी वसुंधरा अभियान राबवले जात आहे. या अभियानात सहभागी होत मुंढेतर्फे चिपळूण ग्रामपंचायतीने लोकसहभागातून विविध उपक्रम राबवण्यास सुरुवात केली आहे. याचबरोबर लागवडीचा बिहार पॅटर्नदेखील येथे राबवला जात आहे. या दोन्ही उपक्रमातून तळसर मुंढे रस्त्याच्या दुतर्फा लागवड केली जात आहे. पर्यावरणदिनी या उपक्रमाची सुरुवात झाल्यानंतर विविध उपक्रमातून लागवड केली जात आहे. या वेळी सरपंच सखाराम गायकवाड, उपसरपंच श्याम खेतले, माजी सरपंच मयूर खेतले, मनसेचे जिल्हाध्यक्ष राजू खेतले, तालुकाध्यक्ष, विश्वास डोळस व पदाधिकारी, ग्रामपंचायत सदस्य, ग्रामपंचायत अधिकारी आर. पी. अस्वले आदी उपस्थित होते.